भारत-पाकिस्तान सामन्यातील सत्य काय? ICC ने शेअर केला व्हिडिओ

धोनीचा पाकिस्तानी क्रिकेटर्स सोबतचा फोटो चांगलाच व्हायरल होत आहे

India Vs Pakistan , T20 World Cup 2021
पाकिस्तानच्या खेळाडूसोबत चर्चा करताना महेंद्रसिंह धोनी

ICC T20 विश्वचषकासाठी टीम इंडियाच्या मार्गदर्शकाची भूमिका बजावत असलेल्या महेंद्रसिंह धोनीने भारत विरुद्ध पाकिस्तान सामन्यात सुरुवातीपासूनच वर्चस्व गाजवले. सामना संपल्यानंतर धोनीचा पाकिस्तानी क्रिकेटर्स सोबतचा फोटो चांगलाच व्हायरल होत आहे. धोनीसमोर पाकिस्तानचे चार खेळाडू कर्णधार बाबर आझम, इमाद वसीम, शोएब मलिक आणि युवा वेगवान गोलंदाज शाहनवाज दहनी उभे असल्याचे दिसले. धोनी त्यांच्यासोबत आपले अनुभव शेअर करतांना दिसला. याचा व्हिडिओ सोशल मीडियावर चांगलाच व्हायरल होत आहे. आयसीसीने देखील हा व्हिडिओ शेअर केला आहे. 

आयसीसीने हा व्हिडिओ इंस्टाग्रामवर शेअर करतांना लिहले. “चर्चा आणि बाकी खूप साऱ्या गोष्टी बोलल्या जात असल्या तरी ही भारत-पाकिस्तान सामन्याचे हे खरे सत्य आहे”

सामन्यापूर्वी धोनी टीम इंडियासोबत मैदानावर दिसला होता. पाकिस्तानमध्येही धोनीची लोकप्रियता प्रचंड आहे. धोनीच्या नेतृत्वाखाली टीम इंडियाने २००७ टी-२० विश्वचषक जिंकला आणि अंतिम सामन्यात पाकिस्तानचा पराभव केला होता. २४ ऑक्टोबर रोजी भारत आणि पाकिस्तान यांच्यात झालेल्या सामन्यात प्रथमच भारताला विश्वचषकात पाकिस्तानविरुद्ध पराभवाला सामोरे जावे लागले.

एमएस धोनीच्या नेतृत्वात ७ वेळा पाकिस्तानविरुद्ध विजय

१९९२ च्या विश्वचषकात भारताने पहिल्यांदा पाकिस्तानचा पराभव केला. त्यानंतर १९९६,१९९९, २००३, २००७ (दोनदा पराभ केला), २०११, २०१२, २०१४, २०१५, २०१६, २०१९ मध्ये परावभ केला. या सर्व विजयांमध्ये भारताने एमएस धोनीच्या नेतृत्वाखाली ७ वेळा विजय मिळवला. त्याने ५ टी-२० विश्वचषक सामन्यात पाकिस्तानचा पराभव केला. त्यानंतर २०११ आणि २०१५ मध्ये एकदिवसीय विश्वचषक जिंकला. याशिवाय, विराट कोहलीच्या नेतृत्वाखाली भारतीय संघाने विश्वचषक २०१९मध्ये पाकिस्तानचा पराभव केला होता. 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 world cup what is the truth about india pakistan match video shared by icc srk

Next Story
ख्रिस गेलचे कौशल्य सर्वोत्तम – मॉर्गन