शाहरुख खानच्या पठाण या नव्या चित्रपटाने भारतीय संघातील युवा स्टार्सनाही भुरळ घातली आहे. भारत आणि न्यूझीलंड यांच्यातील टी२० मालिकेतील तिसऱ्या आणि शेवटच्या सामन्यापूर्वी भारतीय संघातील अनेक खेळाडू चित्रपटाचा आनंद घेण्यासाठी थिएटरमध्ये पोहोचले. कुलदीप यादव, शुबमन गिल, राहुल त्रिपाठी, इशान किशन, शिवम मावी, युजवेंद्र चहल आणि सूर्यकुमार यादव यांनी थिएटरमध्ये पोहोचून चित्रपटाचा आनंद लुटला. या खेळाडूंच्या संघातील सपोर्टिंग स्टाफमधील काही खेळाडूही चित्रपट पाहण्यासाठी सिनेमागृहात पोहोचले. सर्व वादानंतरही, शाहरुख खान आणि दीपिका पदुकोणचा 'पठाण' चित्रपट सिनेमागृहांमध्ये चांगली कमाई करत असून ३०० कोटींचा टप्पा पार केला आहे. जॉन अब्राहमसह दीपिका आणि शाहरुखसह अनेक कलाकारांसाठी हा चित्रपट आनंदाची बातमी घेऊन आला आहे. या तिन्ही दिग्गज कलाकारांनी खूप दिवसांनी एक हिट चित्रपट दिला आहे. भारत आणि न्यूझीलंड यांच्यातील मालिकेतील शेवटच्या आणि महत्त्वाच्या सामन्यापूर्वी भारतीय संघातील खेळाडूंनी सिनेमागृहात पोहोचून स्वत:ला फ्रेश ठेवण्यासाठी पठाण हा चित्रपट पाहिला. https://twitter.com/CricCrazyJohns/status/1620426148361670660?s=20&t=A4yWymdrjgkgVL-jOFvT6Q अहमदाबादमध्ये भारताला मालिका जिंकायची आहे हार्दिक पांड्याच्या नेतृत्वाखाली भारतीय संघाने आतापर्यंत एकही मालिका गमावलेली नाही. अशा परिस्थितीत टीम इंडियाला अहमदाबादमध्ये हा विक्रम कायम राखायचा आहे. या मालिकेतील पहिल्या सामन्यात न्यूझीलंडने भारताचा २१ धावांनी पराभव केला होता. त्याचवेळी दुसऱ्या सामन्यात टीम इंडियाने सहा विकेट्स राखून विजय मिळवला. अशा स्थितीत दोन्ही संघ तिसरा सामना जिंकण्याचा प्रयत्न करतील. टीम इंडियालाही अहमदाबादमध्ये सामना जिंकून सीरिज जिंकायची आहे. हेही वाचा: Suryakumar on Lucknow Pitch: ताळमेळचा अभाव! लखनऊच्या खेळपट्टीबाबत कर्णधार हार्दिकच्या मतावर सूर्यकुमार असहमत भारतीय संघाने २०२३ मध्ये आतापर्यंत एकही मालिका गमावलेली नाही. हार्दिकच्या नेतृत्वाखालील भारतीय संघात सूर्यकुमार आणि कर्णधार हार्दिकच्या नेतृत्वाखालील मधल्या फळी चांगली कामगिरी करत असली तरी वेगवान गोलंदाजी आणि सलामीची फलंदाजी टीम इंडियासाठी अजूनही चिंतेचा विषय आहे. ज्यामध्ये इशान किशन आणि शुबमन गिल त्यांच्या नावाप्रमाणे कामगिरी करू शकत नाहीत. इंडियन एक्स्प्रेसने दिलेल्या वृत्तानुसार, तिसऱ्या टी२० मध्ये इशान किशनच्या जागी पृथ्वी शॉला प्लेइंग इलेव्हनमध्ये संधी मिळू शकते.