IND vs AFG: अफगाणिस्तानविरुद्धच्या टी-२० मालिकेसाठी असा असू शकतो भारताचा संभाव्य संघ; पाहा कोणा-कोणाला मिळणार संधी?

भारतीय संघ जरी भारतात खेळत असला, तरीदेखील भारतीय संघ या मालिकेत यजमान संघ असणार आहे. याआधी देखील २०२४ मध्ये दोन्ही संघ ३ टी-२० सामन्यांची मालिका खेळण्यासाठी आमनेसामने आले होते. या मालिकेत भारतीय संघाने ३-०ने दमदार विजयाची नोंद केली होती. यावेळी भारतीय संघाच्या नेतृत्वाची जबाबदारी श्रेयस अय्यरकडे असणार आहे. गेल्या काही टी-२० मालिकांमध्ये भारतीय संघाला हवी तशी कामगिरी करता आलेली नाही. आयर्लंड आणि इंग्लंडविरुद्धच्या मालिकेत भारतीय संघाला पराभवाचा सामना करावा लागला आहे. आता झिम्बाब्वेविरुद्ध खेळताना भारतीय संघ कशी कामगिरी करणार, हे पाहणं महत्वाचं ठरणार आहे.

या फलंदाजांना मिळू शकते संधी

अफगाणिस्तानविरुद्ध होणाऱ्या टी-२० मालिकेसाठी अभिषेक शर्मा, प्रभसिमरन सिंग आणि वैभव सूर्यवंशी यांना डावाची सुरुवात करण्याची संधी दिली जाऊ शकते. तर अनुभवी यष्टीरक्षक फलंदाज इशान किशन तिसऱ्या क्रमांकावर फलंदाजी करताना दिसून येऊ शकतो.

मधल्या फळीत कोणाला संधी मिळणार?

या मालिकेसाठीही मधल्या फळीत फलंदाजी करण्यासाठी कर्णधार श्रेयस अय्यर, रिंकू सिंग आणि तिलक वर्मा यांना संधी दिली जाऊ शकते. यासह शिवम दुबेचा देखील संघात समावेश केला जाऊ शकतो.

या गोलंदाजांना मिळू शकते संधी

या मालिकेसाठी फिरकी गोलंदाज म्हणून अक्षर पटेल, वॉशिंग्टन सुंदर आणि वरुण चक्रवर्ती यांना संधी दिली जाऊ शकते. तर वेगवान गोलंदाज म्हणून प्रिन्स यादव, अर्शदीप सिंग, प्रसिध कृष्णा आणि मयांक यादव यांना संधी दिली जाऊ शकते.

अफगाणिस्तानविरुद्ध होणाऱ्या टी-२० मालिकेसाठी असा असू शकतो भारतीय टी-२० संघ: वैभव सूर्यवंशी, अभिषेक शर्मा, इशान किशन (यष्टीरक्षक), श्रेयस अय्यर (कर्णधार), तिलक वर्मा (उपकर्णधार), शिवम दुबे, रिंकू सिंग, अक्षर पटेल, अर्शदीप सिंग, वरुण चक्रवर्ती, प्रिन्स यादव, वॉशिंग्टन सुंदर, प्रसिध कृष्णा, मयांक यादव, प्रभसिमरन सिंग.