टीम इंडियाच्या भत्त्यांमध्ये BCCI कडून दुप्पट वाढ

प्रशासकीय समितीकडून घोषणा

विराट कोहलीच्या नेतृत्वाखाली भारतीय संघ सध्या घरच्या आणि परदेश दौऱ्यावर सर्वोत्तम कामगिरी करतो आहे. भारतीय संघाच्या या कामगिरीची दखल घेत, BCCI च्या क्रिकेट प्रशासकीय समितीने भारतीय खेळाडूंच्या परदेश दौऱ्यावरील भत्त्यांमध्ये दुप्पट वाढ केली आहे.

मुंबई मिरर वृत्तपत्राने दिलेल्या बातमीनुसार, परदेश दौऱ्यावर असताना भारतीय खेळाडू आणि सपोर्ट स्टाफला आता दरदिवशी २५० अमेरिकन डॉलर मिळणार आहेत. (रुपयांमध्ये अंदाजे १७ हजार ७९९) याआधी भारतीय खेळाडूंना दरदिवसाला १२५ अमेरिकन डॉलर भत्त्याच्या स्वरुपात मिळायचे. (रुपयांमध्ये अंदाजे ८ हजार ८९९) भारतीय संघाच्या परदेश दौऱ्यात विमानाने बिझनेस क्लासचा प्रवास, हॉटेलमधलं राहणं आणि लाँड्री याचा खर्च बीसीसीआय करतं. याव्यतिरीक्त खेळाडूंना २५० अमेरिकन डॉलर भत्त्याच्या स्वरुपात मिळणार आहेत.

विश्वचषकात पराभवाचा फटका बसल्यानंतर भारतीय संघाने वेस्ट इंडिज दौऱ्यात दमदार पुनरागमन केलं. टी-२०, वन-डे आणि कसोटी मालिकेत वेस्ट इंडिजवर निर्विवाद वर्चस्व गाजवत भारताने मालिका खिशात घातली. यानंतर भारत थेट २०२० साली जानेवारी महिन्यात न्यूझीलंड दौऱ्यावर जाणार आहे. त्याआधी भारताचा सर्व सामने आपल्या घरच्या मैदानावर खेळायचे आहेत.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Team indias daily allowance on away tour to be doubled psd

ताज्या बातम्या