Premium

‘T20 World Cup 2024’चा लोगो आयसीसीने केला लाँच, वेस्ट इंडिज आणि यूएसएमध्ये होणार स्पर्धेचे आयोजन

T20 World Cup 2024 Logo : आयसीसीने पुरुष टी-२० विश्वचषक २०२४ चा लोगो समोर आला आहे. प्रतिष्ठित स्पर्धेची पुढील आवृत्ती वेस्ट इंडिज आणि यूएसए यांच्या वतीने आयोजित नवीन वर्षात खेळली जाईल.

T20 World Cup 2024 Logo Updates in marathi
आयसीसी पुरुष टी-२० विश्वचषक २०२४ (फोटो-आयसीसी एक्स)

T20 World Cup 2024 logo launcehed : नुकतीच आयसीसी एकदिवसीय विश्वचषक २०२३ स्पर्धा पार पडली. या स्पर्धेतील अंतिम सामन्यात १९ नोव्हेंबर रोजी नरेंद्र मोदी स्टेडियमवर ऑस्ट्रेलियाने भारताला पराभूत विश्वचषकावर नाव कोरले. त्यामुळे भारतीय चाहत्यांच्या पदरी निराशा आली. आता चाहत्यांना टी-२० विश्वचषकाची उत्सुकता लागली आहे. आयसीसी पुरुष टी-२० विश्वचषकाचा आगामी हंगाम वेस्ट इंडिज आणि यूएसएमध्ये आयोजित केला जाणार आहे. आयसीसीने आगामी स्पर्धेचा नवीन लोगोही जारी केला आहे.

या बातमीसह सर्व प्रीमियम कंटेंट वाचण्यासाठी साइन-इन करा

आयसीसीने एक व्हिडीओ शेअर करत याबाबत माहिती दिली आहे. त्याचबरोबर जॉन्स नावाच्या एका युजर्सने सोशल मीडियावर नवीन लोगोचे छायाचिकत्र शेअर केले आहे. त्याने हा फोटो एक्सवर शेअर करताना यूजर्सनी लिहिले आहे की, ‘टी-२० विश्वचषक २०२४ चा लोगो….!!!!!’ सर्वांच्या नजरा अमेरिका आणि वेस्ट इंडिजवर आहेत.

आयसीसीने आगामी स्पर्धेशी संबंधित एक व्हिडीओही शेअर केला आहे. शेअर केलेल्या व्हिडिओच्या माध्यमातून आगामी सीझनच्या लोगोची माहिती देण्यात आली आहे. हा व्हिडीओ शेअर करताना बोर्डाने लिहिले आहे की, ‘बॅट, बॉल आणि एनर्जी या तीन गोष्टी टी-२० आंतरराष्ट्रीय क्रिकेटची व्याख्या सांगतात! आयसीसी टी-२० विश्वचषकासाठी एक आकर्षक नवीन रूप.

हेही वाचा – Brian Lara : विराट कोहली सचिनचा १०० शतकांचा विक्रम मोडू शकत नाही, माजी खेळाडूंने सांगितले कारण

आयसीसी पुरुष टी-२० विश्वचषक २०२४ स्पर्धेची आगामी आवृत्ती वेस्ट इंडिज आणि यूएसएमध्ये होणार आहे. त्याचबरोबर ४ जून ते ३० जून २०२४ दरम्यान खेळवली जाणार आहे. महिला क्रिकेट टी-२० विश्वचषक बांगलादेशमध्ये आयोजित केला जाणार आहे. सध्या या स्पर्धेचे वेळापत्रक जाहीर करण्यात आलेले नाही. आयसीसीने शेअर केलेल्या व्हिडीओमध्ये असे म्हटले आहे की, नवीन लोगो क्रिकेटच्या सर्वात लहान फॉरमॅटमध्ये वेगाने बदलणाऱ्या घटनांना प्रतिबिंबित करतो. नवीन लोगो यजमान देशांकडून प्रेरित होऊन बनवला आहे, परंतु हा सतत ऊर्जा प्रतिबिंबित करतो.

जॉन्स नावाच्या युजरने आपल्या दुसऱ्या पोस्टमध्ये आतापर्यंतच्या लोगोंचा फोटो शेअर केला आहे. ज्यामध्ये २००७ पासून ते २०१४ पर्यंच्या लोगोंचा समावेश आहे. सर्वात पहिला टी-२० विश्वचषक २००७ साली दक्षिण आफ्रिकेत आयोजित केला होता. त्यानंतर इंग्लंड (२००९), वेस्ट इंडिज २०१०, श्रीलंका (२०१२), बांगलादेश (२०१४), भारत (२०१६), ऑस्ट्रेलिया (२०२२) आता वेस्ट इंडिज आणि अमेरिका (२०२४) येथे आयोजन होणार आहे.

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: The logo of t20 world cup 2024 to be held in america and west indies has been launched vbm

First published on: 07-12-2023 at 17:04 IST
Next Story
Brian Lara: “स्वार्थी म्हणणाऱ्यांना त्याचा…”, विराटबाबत अपशब्द वापरणाऱ्या पाकच्या हाफिजला ब्रायन लाराचे चोख प्रत्युतर