Tim David: मुंबई इंडियन्सला ‘बोट दाखवणं’ महागात पडलं! टिम डेव्हिडवर BCCI ची मोठी कारवाई, नेमकं काय घडलं?

हा सामना झाल्यानंतर टिम डेव्हिडचा एक व्हिडीओ सोशल मीडियावर तुफान व्हायरल झाला. ज्यात तो मधलं बोट दाखवताना दिसून आला. व्हिडीओ व्हायरल होताच, टिम डेव्हिडवर कारवाई होणार की नाही? असा प्रश्न उपस्थित केला गेला होता. अखेर बीसीसीआयने दखल घेतली असून टिम डेव्हिडवर कारवाई करण्यात आली आहे. त्याच्यावर मॅच फी च्या ३० टक्के दंड आकारण्यात आला आहे. यासह २ डिमेरिट पॉईंट्स देखील देण्यात आले आहेत.

टिम डेव्हिडवर बीसीसीआयकडून कारवाई होण्याची ही पहिलीच वेळ नाही. याआधी देखील मुंबई इंडियन्सविरूद्ध झालेल्या सामन्यात त्याच्या मॅच फी वर २५ टक्के दंड आकारण्यात आला होता. यासह १ डिमेरिट पॉईंट देण्यात आला होता. या सामन्यात तो अंपायरसोबत मस्करी करताना दिसून आला होता. १८ व्या षटकात चेंडू बदलताना त्याने चेंडू तपासण्यासाठी मागितला, त्यानंतर अंपायरने २ वेळा चेंडू मागितला पण त्याने काही दिला नव्हता.

मुंबईचा दमदार विजय

या सामन्यात मुंबई इंडियन्सचा संघ प्रथम फलंदाजीसाठी मैदानात आला होता. मुंबईकडून तिलक वर्माने सर्वाधिक ५७ धावांची खेळी केली. तर नमन धीरने ४७ धावांची खेळी केली. तर रोहित शर्माने २२ धावा केल्या. मुंबईने पहिल्या डावात फलंदाजी करताना १६६ धावांपर्यंत मजल मारली. रॉयल चॅलेंजर्स बंगळुरुला हा सामना जिंकण्यासाठी १६७ धावा करायच्या होत्या. या धावांचा पाठलाग करताना रॉयल चॅलेंजर्स बंगळुरुकडून क्रृणाल पंड्याने सर्वाधिक ७३ धावा केल्या. शेवटच्या चेंडूवर १ चेंडूत २ धावांची गरज असताना रॉयल चॅलेंजर्स बंगळुरुने हा सामना २ गडी राखून आपल्या नावावर केला.