SEXTING Scandal : टिम पेनची साडेसाती सुरूच..! त्याच्या भावोजींवरही लागला घाणेरडा आरोप; ‘त्याच’ महिलेला…

पेनने एका महिलेला अश्लील फोटो आणि मेसेज पाठवले होते, आता त्याच्या बहिणीच्या नवऱ्यानेही…

tim paine brother in law shannon tubbs sexting probe with same woman
टिम पेन आणि शॅनन टब

महिलेला अश्लील फोटो आणि अश्लील संदेश पाठवण्यावरून टिम पेनचा वाद अजून संपलेला नाही. अशातच अजून एका घटनेने पेनचे संकट वाढले आहे. पेनच्या बहिणीचा पती शॅनन टब याच्यावरही तसाच आरोप करण्यात आला आहे. महत्त्वाचे म्हणजे, त्याच महिलेला अश्लील संदेश पाठवल्याचा आरोप शॅननवर आहे. या ‘सेक्सटिंग’ वादामुळे क्रिकेट तस्मानियाने शॅननला बडतर्फ केले आहे. ४१ वर्षीय शॅननने तस्मानियासाठी शेफील्ड शील्ड क्रिकेट स्पर्धा खेळली आहे आणि प्रशिक्षक म्हणूनही काम केले आहे.

हेराल्ड सनच्या अहवालानुसार, महिला सहकाऱ्याला अश्लील संदेश पाठवल्याच्या आरोपांची चौकशी सुरू झाल्यानंतर टिम पेनचा भावोजी शॅननने कोचिंग पद सोडले आहे. ही तीच महिला सहकारी आहे जिला पेनने २०१७ मध्ये अश्लील संदेश पाठवले होते. क्रिकेट तस्मानियाने शॅननच्या आरोपांचीही चौकशी केली. त्याचवेळी क्रिकेट ऑस्ट्रेलियाने पेनवरील आरोपांची चौकशीही केली. मात्र, त्यानंतर ऑस्ट्रेलियन क्रिकेट बोर्डाने पेनला क्लीन चिट दिली होती. मात्र, चार वर्षांनंतर पेनचा अश्लील संदेश व्हायरल झाल्याने त्याला कर्णधारपदाचा राजीनामा द्यावा लागला.

हेही वाचा – नवऱ्याच्या Sexting Scandal प्रकरणानंतर बायकोनं सोडलं मौन; म्हणाली, “मी आधीच माझा…”

शॅननचे लग्न पेनच्या बहिणीशी झाले आहे. ४१ वर्षीय डावखुरा फिरकीपटू शॅनन ९०च्या दशकात तस्मानियाकडून क्रिकेट खेळला आहे. मात्र, या वादानंतर तो अॅडलेडच्या प्रिन्स अल्फ्रेड कॉलेजच्या संघाचा प्रशिक्षक बनला आहे.

पेनने शुक्रवारी होबार्टचे कर्णधारपद सोडल्याची घोषणा केली. स्टीव्ह स्मिथ बॉल टॅम्परिंगच्या वादात दोषी आढळल्यानंतर पेनला २०१८ मध्ये ऑस्ट्रेलियाच्या कसोटी संघाचा कर्णधार बनवण्यात आले होते. पेनने कर्णधारपद सोडले असले तरी. पण अॅशेस मालिकेत तो यष्टीरक्षक म्हणून खेळताना दिसणार आहे. मात्र, या मालिकेसाठी ऑस्ट्रेलियाचे नेतृत्व कोण करणार आहे. ते अद्याप स्पष्ट झालेले नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Tim paine brother in law shannon tubbs sexting probe with same woman adn

Next Story
पाहा: वधू आणि तिच्या भावाचा संगीत सोहळ्यातील धम्माल परफॉर्मन्सBride and brother pull of epic wedding dance , संगीत सोहळा, video goes viral , bride and her brother perform a Bollywood medley at the Sangeet, Loksatta, Loksatta news, Marathi, marathi news