ऋषभ पंतच्या ‘या’ एका निर्णयामुळे सामना फिरला! वाचा LSG vs RCB सामन्यातील टर्निंग पॉईंट

Lucknow Super Giants vs Royal challengers Bengaluru Turning point: ऋषभ पंतने शेवटी घेतलेल्या एका निर्णयामुळे सामना फिरला. वाचा काय आहे, या सामन्यातील टर्निंग पॉईंट .

lsg vs rcb (फोटो- एक्स)

LSG vs RCB Turning Point Of The Match: आयपीएल २०२६ स्पर्धेतील ५० वा सामना लखनौ सुपर जायंट्स आणि रॉयल चॅलेंजर्स बंगळुरू या दोन्ही संघांमध्ये पार पडला. हा सामना सुरुवातीपासून ते शेवटच्या षटकापर्यंत रोलर कोस्टर राईडपेक्षा कमी नव्हता. आधी पावसाच्या सरी बरसल्या, मग मिचेल मार्शच्या बॅटमधून चौकार षटकारांचा पाऊस पाहायला मिळाला. पावसामुळे हा सामना १९ षटकांचा खेळवण्याचा निर्णय घेण्यात आला. लखनौने पहिल्या डावात फलंदाजी करताना २०९ धावा केल्या. २१० धावांचा पाठलाग करण्यासाठी आलेला रॉयल चॅलेंजर्स बंगळुरूचा संघ विजयाच्या अगदी जवळ पोहोचला होता. पण हा सामना अवघ्या ९ धावांनी गमवावा लागला. दरम्यान शेवटच्या षटकात ऋषभ पंतने घेतलेला निर्णय लखनौसाठी टर्निंग पॉईंट ठरला.

आरसीबीची शेवटच्या षटकापर्यंत झुंज

या सामन्यात २१० धावांचा पाठलाग करण्यासाठी आलेल्या आरसीबीला सुरुवातीलाच मोठे धक्के बसले. विराट कोहली शून्यावर बाद झाला. तर जेकब बेथेल अवघ्या ४ धावांवर माघारी परतला. त्यानंतर देवदत्त पडिक्कल आणि रजत पाटीदारने मिळून संघाचा डाव सांभाळला. पडिक्कलने ३४ तर पाटीदारने ६१ धावांची खेळी केली. जितेश शर्मा १ धाव करून बाद झाला. इम्पॅक्ट प्लेअर म्हणून आलेल्या टीम डेव्हिडने ४० धावा केल्या. तर कृणाल पंड्या २८ आणि शेफर्ड २३ धावांवर नाबाद राहिला.

हेही वाचा

IPL च्या डगआउटमध्ये अनोळखी व्यक्तींचा वावर! BCCI कठोर ॲक्शनच्या तयारीत; सचिव देवजीत सैकिया यांनी दिली वॉर्निंग

ऋषभ पंतचा हा निर्णय ठरला टर्निंग पॉईंट

शेवटी कृणाल पंड्या आणि टीम डेव्हिडने सामना खेचून आणला. त्यांना शेफर्डची साथ मिळाली. १२ चेंडूत ३३ धावांची गरज असताना प्रिन्स यादव गोलंदाजीला आला. या षटकात कृणाल पंड्याने १३ धावा वसूल केल्या. त्यामुळे शेवटच्या षटकात आरसीबीला २० धावा करायच्या होत्या. शाहबाज अहमद हे षटक टाकण्यासाठी सज्ज झाला होता. पण इतक्यात पंतने निर्णय बदलला. त्याने दिग्वेश राठीला गोलंदाजीला बोलावलं, जो आधीच महागडा ठरला होता. पण लखनौचा हा डाव यशस्वी ठरला. राठीच्या गोलंदाजीवर फलंदाज संघर्ष करताना दिसून आले. लखनौने हा सामना ९ धावांनी आपल्या नावावर केला.

हेही वाचा

Cricket Australia: “८२ कोटी रुपये घे, अन्…”, IPL सुरु असताना पॅट कमिन्सला क्रिकेट ऑस्ट्रेलियाची भन्नाट ऑफर

या सामन्यातील पहिल्या डावात फलंदाजी करताना लखनौ सुपर जायंट्स संघाने २०९ धावा केल्या होत्या. लखनौकडून मिचेल मार्शने १११ धावांची खेळी केली. तर निकोलस पूरनने ३८ आणि ऋषभ पंतने ३२ धावांची खेळी करून संघाची धावसंख्या २०९ पर्यंत पोहोचवली. या धावांचा पाठलाग करताना रजत पाटीदारने सर्वाधिक ६१ धावांची खेळी केली. तर टीम डेव्हिडने ४० धावा केल्या. लखनौचा संघ विजयापासून ९ धावा दूर राहिला.