Premium

World Cup 2023: विश्वचषक स्पर्धेला फक्त एक दिवस बाकी, जाणून घ्या कधी आणि कुठे पाहता येणार सामन्यांचे लाइव्ह स्ट्रिमिंग?

ICC World Cup 2023 Updates: भारतीय संघ तिसऱ्यांदा चॅम्पियन बनण्याकडे डोळे लावून बसला आहे. मागच्या वेळी जेव्हा टीम इंडिया चॅम्पियन बनली तेव्हा वर्ल्ड कप भारतातच आयोजित करण्यात आला होता. अशा स्थितीत यावेळीही संघाकडून विजेतेपदाच्या अपेक्षा आहेत.

ICC ODI World Cup 2023 Updates
आयसीसी विश्वचषक २०२३ (फोटो-आयसीसी ट्विटर)

World Cup 2023 know where you can watch all the matches for free: एकदिवसीय विश्वचषक स्पर्धेची १३ वा हंगाम ५ ऑक्टोबरपासून सुरु होणार आहे. उद्घाटनाचा सामना गतविजेता इंग्लंड आणि न्यूझीलंड यांच्यात होणार आहे. अहमदाबादच्या नरेंद्र मोदी स्टेडियमवर हा सामना होणार असून याच मैदानावर १९ नोव्हेंबरला अंतिम सामनाही होणार आहे. भारतीय संघ तिसऱ्यांदा चॅम्पियन बनण्याकडे डोळे लावून बसला आहे. भारताने १९८३ आणि २०११ मध्ये विजेतेपद पटकावले होते. मागच्या वेळी जेव्हा टीम इंडिया चॅम्पियन बनली तेव्हा वर्ल्ड कप भारतातच आयोजित करण्यात आला होता. अशा स्थितीत यावेळीही संघाकडून विजेतेपदाच्या अपेक्षा आहेत.

या बातमीसह सर्व प्रीमियम कंटेंट वाचण्यासाठी साइन-इन करा

विश्वचषकाचे सामने भारतातील १० शहरांमध्ये खेळवले जाणार आहेत. हैदराबाद, अहमदाबाद, धर्मशाला, दिल्ली, चेन्नई, लखनौ, पुणे, बेंगळुरू, मुंबई आणि कोलकाता येथे होणार आहेत. या विश्वचषकात एकूण १० संघ सहभागी होणार आहेत. ही स्पर्धा राऊंड रॉबिन पद्धतीने आयोजित केली जाईल. १० पैकी अव्वल चार संघ उपांत्य फेरीत पोहोचतील. मागच्या वेळी इंग्लंडमध्ये याच फॉरमॅटमध्ये वर्ल्ड कप आयोजित करण्यात आला होता.

विश्वचषक कधी आणि किती दिवस होणार?

विश्वचषक स्पर्धा ५ ऑक्टोबर ते १९ नोव्हेंबर या कालावधीत होणार आहे.

हेही वाचा – ICC Cricket World Cup 2023: आता मॅचेस बघताना मिळणार नवीन अनुभव; Disney+ Hotstar ने लॉन्च केले ‘हे’ भन्नाट फिचर

विश्वचषक स्पर्धेत किती संघ सहभागी होत आहेत?

विश्वचषक स्पर्धेत १० संघ सहभागी होत आहेत. यजमान भारताशिवाय श्रीलंका, पाकिस्तान, बांगलादेश, अफगाणिस्तान, ऑस्ट्रेलिया, न्यूझीलंड, दक्षिण आफ्रिका, नेदरलँड आणि इंग्लंड हे संघ भाग घेत आहेत.

विश्वचषकाचे उद्घाटन आणि अंतिम सामना कुठे होणार आहेत?

विश्वचषकाचा ​​सलामीचा सामना ५ ऑक्टोबरला अहमदाबादच्या नरेंद्र मोदी स्टेडियमवर होणार आहे. या मैदानावर १९ नोव्हेंबरला अंतिम सामना खेळवला जाणार आहे.

हेही वाचा – Asian Games: तिरंदाजीमध्ये ओजस-ज्योती जोडीने सुवर्णपदक जिंकताच भारताने रचला इतिहास, केला ‘हा’ खास पराक्रम

भारताचा पहिला सामना कधी आणि कोणाविरुद्ध होणार?

भारताचा पहिला सामना आठ ऑक्टोबरला चेन्नईच्या एमए चिदंबरम स्टेडियमवर पाच वेळच्या चॅम्पियन ऑस्ट्रेलियाशी होणार आहे.

भारतात विश्वचषक सामन्यांचे लाईव्ह स्ट्रीमिंग कोठे उपलब्ध असेल?

तुम्ही डिज्नी प्लस हॉटस्टार अॅपवर विश्वचषक सामने ऑनलाइन पाहू शकता. तुम्हाला मोबाईलवर सामना मोफत पाहता येणार आहे. लॅपटॉप किंवा स्मार्ट टीव्हीवर पाहण्यासाठी तुम्हाला पैसे मोजावे लागतील आणि सदस्यता घ्यावी लागेल.

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Two days left in the world cup 2023 know where you can watch all the matches for free on mobile and tv vbm

First published on: 04-10-2023 at 11:46 IST
Next Story
Asian Games: तिरंदाजीमध्ये ओजस-ज्योती जोडीने सुवर्णपदक जिंकताच भारताने रचला इतिहास, केला ‘हा’ खास पराक्रम