चेन्नई : मुंबईकर शार्दूल ठाकूरची (३३ चेंडूंत ५१ धावा) आक्रमक खेळी आणि युवा अष्टपैलू राज अंगद बावाच्या (४/११) प्रभावी माऱ्याच्या जोरावर भारत-अ संघाने मंगळवारी तिसऱ्या एकदिवसीय सामन्यात न्यूझीलंड-अ संघावर १०६ धावांनी विजय मिळवला. या विजयासह भारत-अ संघानेही तीन सामन्यांच्या मालिकेत ३-० असे निर्भेळ यश मिळवले.

या बातमीसह सर्व प्रीमियम कंटेंट वाचण्यासाठी साइन-इन करा

या सामन्यात प्रथम फलंदाजी करणाऱ्या भारत-अ संघाने ४९.३ षटकांत २८४ धावा केल्या. कर्णधार संजू सॅमसन (५४) आणि तिलक वर्मा (५०) यांनी अर्धशतकी खेळी केल्या. मात्र, अखेरच्या षटकांत शार्दूलने केलेली फटकेबाजी भारतासाठी महत्त्वाची ठरली. शार्दूलने ३३ चेंडूंत ५१ धावा करताना चार चौकार आणि तीन षटकार लगावले.

आव्हानाचा पाठलाग करताना न्यूझीलंड-अ संघाचा डाव ३८.३ षटकांत १७८ धावांतच आटोपला. डेन क्लेवर (८३) आणि चॅड बोवेस (२०) यांनी अर्धशतकी सलामी दिली. मात्र, त्यानंतर राज बावाच्या गोलंदाजीपुढे न्यूझीलंडचा डाव गडगडला. चार गडी बाद करणाऱ्या राज बावाला राहुल चहर आणि कुलदीप यादव यांनी प्रत्येकी दोन बळी मिळवत चांगली साथ दिली.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Undisputed dominance india a team due to shardul thakur match victory ysh
First published on: 28-09-2022 at 01:15 IST