शिवाजी पार्क जिमखान्याच्या अध्यक्षपदी माजी क्रिकेटपटू प्रवीण अमरे (अमरे आणि अनिरुद्ध जोशी गट) यांची बिनविरोध निवड झाली आहे. येत्या १३ आणि १४ नोव्हेंबरला होणाऱ्या या निवडणुकीसाठी अमरे-जोशी गटापुढे खानोलकर-मुरकर गटाचे कडवे आव्हान असेल. प्रतिष्ठेच्या विश्वस्त पदासाठी अमरे-जोशी गटाकडून लता देसाई, प्रकाश नायक, मिलिंद सबनीस, तर खानोलकर-मुरकर गटाकडून विकास दुबेवार, हेमंत परब, केवल रंका रिंगणात आहेत. उपाध्यक्षपदासाठी अमरे-जोशी गटाने विक्रम पटवर्धन, विलास साळुंखे, अमर तेंडुलकर यांना, तर खानोलकर-मुरकर गटाने व्हिक्टर शेट्टीयार, विजयसेन पाठारे, समीर पेठे यांना उमेदवारी दिली आहे. कार्याध्यक्षपदासाठी पुष्कराज चव्हाण आणि दीपक मुरकर यांच्यात सामना होईल. तर उपकार्याध्यक्षपदासाठी विश्वास नेरुरकर (अमरे-जोशी गट) आणि शरदचंद्र देसाई (खानोलकर-मुरकर) अशी झुंज रंगेल. सरचिटणीसपदासाठी अनिरुद्ध जोशी यांच्यापुढे विद्यमान संजीव खानोलकर यांचे आव्हान असेल. कोषाध्यक्षपदासाठी विलास सोमण (अमरे-जोशी गट) यांची फाल्गुन देसाई (खानोलकर-मुरकर) यांच्याशी लढत होणार आहे.