Rishabh Pant Cried Over Dhoni Chants: टीम इंडियाचा यष्टिरक्षक व फलंदाज ऋषभ पंतने मोहालीतील टी-20 सामन्यादरम्यान विकेटकीपिंग दरम्यान चूक केल्यावर स्टेडियममधील चाहत्यांनी भारताचा माजी कर्णधार एमएस धोनीच्या नावाचा जप सुरु केला होता. चाहत्यांनी अशाप्रकारे ऋषभला चिडवण्याची ही पहिलीच वेळ नाही. खरंतर धोनीचे फॅन फॉलोईंग प्रचंड आहे आणि जेव्हा सुरुवातीला धोनीच्या जागी ऋषभ मैदानात उतरू लागला तेव्हाही त्याला अशाच प्रकारे ट्रोलिंगला सामोरे जावे लागले होते. धोनीची संघातील पोकळी भरून काढण्यासाठी जेव्हा त्याच्याकडून चुका झाल्या तेव्हा सुद्धा ऋषभला टीकेची झोड सहन करावी लागली होती. या सगळ्या प्रकरणाबाबत स्टार स्पोर्ट्सशी बोलताना ऋषभ पंतने आपल्या भावना व्यक्त केल्या आहेत.

२५ वर्षीय ऋषभने सांगितले की, “मोहालीमध्ये सतत धोनीच्या नावाचा जप होत असताना नक्कीच मला खूप वाईट वाटायचं. माझ्यावर दडपण नव्हतं पण धोनीने पार पाडलेली जबाबदारी आपली खांद्यावर घेताना इतका दबाव होता की मला श्वास घेणं सुद्धा कठीण व्हायचं. मला समजत नव्हतं की २०-२१ वर्षांचा एक तरुण खेळाडू मैदानात आल्यावर लोक असं का बोलत आहेत. काहींनी ५ सामने खेळलेले असतात काहींनी ५०० पण या दोघांची तुलना होऊच शकत नाही. प्रत्येकाचा प्रवास खूप चढ- उतारांचा असतो. मला तेव्हा खूप वाईट वाटायचं मी कित्येकदा खोलीत जाऊन रडलो आहे.”

rape case in Gaziayabad
प्रियकराने केलेला बलात्कार लपवण्यासाठी आई करायची १० वर्षांच्या मुलीचा छळ, वेश्या व्यवसायात ढकलण्याचाही प्रयत्न
How to prevent heart attacks
Heart Attack : हृदयविकाराचा धोका कसा टाळायचा? वयाच्या विसाव्या वर्षापासून लावा ‘या’ सवयी, तज्ज्ञ सांगतात…
Boy killed for resisting unnatural act Sheel Daighar police arrests two
अनैसर्गिक कृत्यास विरोध केल्याने मुलाची हत्या, शीळ डायघर पोलिसांनी केली दोघांना अटक
A layer of Water Hyacinth due to pollution in the river saved the life of a young woman who committed suicide
तरुणीने आत्महत्या केली, पण जलपर्णीने वाचवले; ग्रामस्थांनी वेळेत मदत केल्याने तरुणी सुखरूप

धोनी व ऋषभ पंतचं नातं कसं आहे?

दरम्यान, ऋषभ पंतने चेन्नई सुपर किंग्जचा कर्णधार एमएस धोनीसह आपल्या नात्याबद्दल सुद्धा काही खास खुलासे केले आहेत. तो म्हणाला की, “मी धोनीशी कोणत्याही विषयावर चर्चा करू शकतो आणि काही विषयांवर तर धोनी भाई शिवाय इतर कोणाशीही मी चर्चा करूच शकत नाही. मी त्यांच्याकडून खूप शिकलो आहे. एकदा प्रशिक्षणादरम्यान, मी त्यांना सांगितले की मी आयपीएल मध्ये मी चांगलं खेळू शकतो पण जेव्हा आंतरराष्ट्रीय सामने येतात तेव्हा मी चुकतो तर मी यावर काय करू? त्यावर ते मला नेहमी सांगायचे की तू प्रत्येक सामन्यात आंतरराष्ट्रीय सामना खेळतोय अशीच मानसिकता ठेव. यावर मी त्यांना हसून एवढंच म्हणायचो की, तुम्ही महान आहात पण तुमच्या महानतेचा सगळा दबाव माझ्यावरच येतोय. हा अन्याय आहे. आणि मग आम्ही हसायचो. “

हे ही वाचा << Video: सचिन ‘तेंडुलकर’ला भेटतो तेव्हा…! खुद्द मास्टर ब्लास्टरनंच शेअर केला व्हिडीओ; चाहत्याच्या चेहऱ्यावर तरळल्या लाखमोलाच्या भावना

दुसरीकडे, डिसेंबर २०२२ मध्ये नवीन वर्षात झालेल्या जीवघेण्या अपघातानंतर ऋषभ पंत सध्या रिकव्हरी मोडवर आहे. इंडियन प्रीमियर लीगच्या आगामी हंगामात तो स्पर्धात्मक क्रिकेटमध्ये पुनरागमन करेल अशी अपेक्षा आहे. आयपीएल २०२४ साठी दिल्ली कॅपिटल्सने त्याला कायम ठेवले आहे.