Virat Kohli is the only one in T20, surpassing the legendary Australian batsman avw 92 | Loksatta

ऑस्ट्रेलियन दिग्गज फलंदाजाला मागे टाकत विराट कोहली अव्वलस्थानी, टी२० मध्ये तो एकटाच

भारताचा स्टार फलंदाज विराट कोहलीने त्याच्या नावावर टी२०त एक अनोखा विक्रम केला आहे. यात त्याने ऑस्ट्रेलियाच्या दिग्गज फलंदाजाला मागे टाकले.

ऑस्ट्रेलियन दिग्गज फलंदाजाला मागे टाकत विराट कोहली अव्वलस्थानी, टी२० मध्ये तो एकटाच
संग्रहित छायाचित्र (लोकसत्ता)

भारतीय संघाचा आधारस्तंभ आणि प्रमुख फलंदाज विराट कोहलीने कालच्या सामन्यातील खेळीने ऑस्ट्रेलियन एका दिग्गज फलंदाजाला मागे टाकले आहे. विराट आंतरराष्ट्रीय टी२० क्रिकेटमध्ये  एका देशाविरुद्ध सर्वाधिक वेळा ५० किंवा त्यापेक्षा मोठी खेळी करणारा फलंदाज ठरला आहे. त्याने ऑस्ट्रेलियन दिग्गज डेविड वॉर्नरचा विक्रम मोडीत काढला आहे. भारताकडून आंतरराष्ट्रीय क्रिकेटमध्ये सर्वाधिक धावा करणाऱ्या फलंदाजांत विराट दुसऱ्या क्रमांकावर पोहोचला आहे.

भारताचा माजी कर्णधार विराट कोहली याने ही कामगिरी ऑस्ट्रेलिया संघाविरुद्ध टी२० सामने खेळताना केली आहे. त्याने ऑस्ट्रेलियाविरुद्ध टी२० सामने खेळताना एकूण ८ वेळा ५० किंवा त्यापेक्षा मोठी खेळी केली आहे. हा एक विश्वविक्रम ठरला आहे. यापूर्वी हा विक्रम सलामीवीर डेविड वॉर्नरच्या नावावर होता. वॉर्नरने श्रीलंका संघाविरुद्ध एकूण ७ वेळा ५० किंवा त्यापेक्षा मोठी खेळी केली आहे. आता वॉर्नर या यादीत दुसऱ्या क्रमांकावर घसरला आहे. यादीत तिसऱ्या क्रमांकावर पुन्हा एकदा विराटचेच नाव आहे. विराटने वेस्ट इंडीज संघाविरुद्ध ६ वेळा ५० धावांपेक्षा मोठी खेळी केली आहे. रोहित शर्मा देखील यादीत सहभागी आहे. रोहितने वेस्ट इंडीज आणि न्यूझीलंडविरुद्ध खेळताना प्रत्येकी ६-६ वेळा ५० पेक्षा मोठी खेळी केली आहे.

हेही वाचा   :  IND VS AUS: विश्वचषकात खेळावं का यावर विराटने त्याच्या टीकाकारांना दिले बॅटने उत्तर 

कोहलीने कालच्या सामन्यात आंतरराष्ट्रीय टी२० कारकिर्दीतील ३३ वे अर्धशतक केले. त्याने ४८ चेंडूत ६३ धावांची खेळी करत संघाच्या विजयात महत्वपूर्ण योगदान दिले. या खेळीला त्याने तीन चौकार आणि चार षटकारांचा साज चढवला. सूर्यकुमार यादवने ३६ चेंडूत ६९ धावा आणि विराटच्या वादळी खेळीमुळे भारताने ऑस्ट्रेलियाकडून मिळालेले १८७ धावांचे लक्ष्य गाठले. भारताने चार गड्याच्या मोबदल्यात आणि १९.५ षटकांमध्ये सामना नावावर केला. मालिकेतील हा भारताचा सलग दुसरा विजय असून ऑस्ट्रेलियाने २-१ अशा फरकाने पराभव स्वीकारला. ऑस्ट्रेलियाविरुद्धची टी२० मालिका जिंकल्यानंतर भारताला आता दक्षिण आफ्रिका संघाशी भिडायचे आहे. आफ्रिकी संघाविरुद्धची टी२० मालिका २८ सप्टेंबर पासून मायदेशात सुरू होईल.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Video: सुर्यकुमार यादवने मारलेला Shot of The Match पाहिलात का? ऑस्ट्रेलियन डगआऊटमधूनही मिळाली दाद

संबंधित बातम्या

विश्लेषण: पोर्तुगाल संघातून ख्रिस्तियानो रोनाल्डोला का वगळले? रोनाल्डोच्या कारकीर्दीची ही अखेर समजावी का?
IND vs BAN 2nd ODI: गडी एकटा निघाला! हाताला पट्टी तरी रोहित टीम इंडियासाठी लढला, चाहत्यांचा कडक सॅल्यूट
विश्लेषण: फिफा विश्वचषकामध्ये फुटबॉलपटू ‘स्पोर्ट्स ब्रा’ का घालतात? काय आहे यामागील कारण जाणून घ्या
IND vs BAN ODI: के. एल. राहुलचा ऋषभ पंतबाबत मोठा खुलासा, म्हणाला “BCCI ने पंतला संघातून काढताना एक..”
विश्लेषण: वर्ल्ड कपमधील प्रत्येक सामन्याआधी मोबाईलप्रमाणे चार्ज करतात फुटबॉल; यामागील कारण आहे फारच खास

व्हिडिओ

ताज्या बातम्या
चीनमध्ये जनआंदोलनानंतर करोना निर्बंध शिथिल 
तृतीयपंथीयांना नोकरीची संधी डावलता येणार नाही; उच्च न्यायालयाने राज्य सरकारला फटकारले
नेत्यांकडे स्वत:ची मते, व्यासंग असावा – देवेंद्र फडणवीस
गोवर रुग्णांच्या नमुन्यांच्या तपासणीसाठी हाफकीन तयार
Maharashtra Karnataka border: एसटीच्या ३८२ फेऱ्या अंशत: रद्द