विराट कोहलीच्या नेतृत्वाखाली भारतीय संघाने नवीन वर्षाची सुरुवात आक्रमक पद्धतीने केली आहे. घरच्या मैदानावर श्रीलंका आणि ऑस्ट्रेलियावर मात केल्यानंतर..भारतीय संघ न्यूझीलंडमध्ये दाखल झाला. टी-२० मालिकेतील पहिल्या दोन सामन्यातही विराटसेनेने विजय मिळवला. कोहलीचा गेल्या काही सामन्यातला फॉर्म पाहता, भारतीय संघ मालिका विजयाच्या उद्देशाने मैदानात उतरेल. हॅमिल्टनमध्ये पोहचल्यानंतर टीम इंडियाने कसून सरावाला सुरुवात केली आहे. विराट कोहलीने जिममध्ये सराव करतानाचा एक व्हिडीओ आपल्या इन्स्टाग्राम अकाऊंटवर शेअर केला आहे. त्याचा हा व्हिडीओ पाहिल्यानंतर विराट आपल्या फिटनेसच्या बाबतीत किती सजग आहे हे कळून येतं. View this post on Instagram Putting in the work shouldn't be a choice, it should be a requirement to get better. #keeppushingyourself A post shared by Virat Kohli (@virat.kohli) on Jan 27, 2020 at 3:35pm PST पहिल्या दोन सामन्यांमध्ये भारतीय संघाने अष्टपैलू कामगिरी करत न्यूझीलंडला चारीमुंड्या चीत केलं. विशेषकरुन गोलंदाज आणि फलंदाजीत लोकेश राहुल आणि श्रेयस अय्यर यांची कामगिरी वाखणण्याजोगी होती. आगामी सामन्यात भारतीय संघ जिंकल्यास, मालिका विजयाची सुवर्णसंधी संघाकडे असणार आहे. त्यामुळे भारतीय संघाच्या कामगिरीकडे सर्व चाहत्यांचं लक्ष असणार आहे.