विराट कोहलीचा विश्वविक्रम! सचिन तेंडुलकरचा अनोखा विक्रम मोडला, मायदेशात ‘ही’ कामगिरी करणारा एकमेव फलंदाज

विराट कोहलीने सुरूवातीला ७४ चेंडूत शानदार शतक झळकावलं. या शतकी खेळीदरम्यान विराट कोहलीने १५ हजार धावांचा टप्पा गाठला. याशिवाय भारतीय संघाला विजय मिळवून देत विराट कोहली नाबाद माघारी परतला. विराट कोहलीने या सामन्यात ८८ चेंडूत १० चौकार व ९ षटकारांसह १५७च्या स्ट्राईक रेटने नाबाद १३९ धावांची खेळी केली आहे. विराटच्या या खेळीच्या बळावर भारताने ४१.४ षटकांत ३०० धावा करत ८ विकेट्सने सामना जिंकला. यासह मालिकेत १-० अशी आघाडी घेतली आहे.

विराट कोहली हा एकदिवसीय क्रिकेटमध्ये एकाच देशात सर्वाधिक धावा करणारा तो पहिला खेळाडू ठरला आहे. आधी हा विक्रम सचिन तेंडुलकरच्या नावे होता. आता मात्र किंग कोहली पुढे गेला आहे. सचिन तेंडुलकरने भारतात सर्वाधिक ६९७६ धावा केल्या होत्या. त्याच्यानंतर रिकी पॉन्टिंगचा नंबर आहे, ज्याने मायदेशात ऑस्ट्रेलियामध्ये ५५२१ धावा केल्या आहेत. या दोघांनाही मागे टाकत विराट कोहलीने आता एकाच देशात म्हणजेच भारतात ७००६ धावा केल्या आहेत.

एका देशात सर्वाधिक धावा वनडे क्रिकेट

७००६* – विराट कोहली (भारत)
६९७६ – सचिन तेंडुलकर (भारत)
५५२१ – रिकी पॉन्टिंग (ऑस्ट्रेलिया)