scorecardresearch

६,६,६,६,६: निकोलस पूरनने काढली शाकिबच्या गोलंदाजीची पिसे; एकाच षटकात लगावले पाच षटकार, पाहा व्हिडिओ

अबू धाबी टी-१० लीगमध्ये निकोलस पूरनने शाकिब अल हसनच्या एकाच षटकात पाच षटकार मारले, पाहा व्हिडिओ

६,६,६,६,६: निकोलस पूरनने काढली शाकिबच्या गोलंदाजीची पिसे; एकाच षटकात लगावले पाच षटकार, पाहा व्हिडिओ
निकोलस पूरनने शाकिब अल हसनच्या एका षटकात पाच षटकार लगावले.(फोटो -लोकसत्ता ग्राफिक्स टीम)

वेस्ट इंडिज क्रिकेट संघाचा स्टार फलंदाज निकोलस पूरन टी-१० लीगमध्ये आपले कौशल्य दाखवत आहे. खराब फॉर्मवर मात करत निकोलस पूरनची बॅट आता पुन्हा तळपली आहे. बुधवारी (३० नोव्हेंबर) अबू धाबी टी-१० लीगमध्ये, डेक्कन ग्लॅडिएटर्ससाठी फलंदाजी करणाऱ्या या कॅरेबियन फलंदाजाने बांगला टायगर्सविरुद्ध १६ चेंडूत ५० धावा केल्या. यादरम्यान शाकिब अल हसन त्याचा शिकार ठरला. त्याने कोणतीही दयामाया न दाखवता शाकिबच्या एका षटकात ५ षटकार मारून ३० धावा केल्या.

ग्लॅडिएटर्सच्या डावाच्या पाचव्या षटकात ही घटना घडली. शाकिब पहिले षटक टाकायला आला. पूरनने या षटकाची सुरुवात स्फोटक पद्धतीने केली. पूरनने पहिल्याच चेंडूवर जोरदार स्लॉग स्वीप शॉट मारत षटकार लगावला. त्याने अशाप्रकारे सुरुवात केली आणि मग थांबता थांबेना. पूरनने पुढच्या दोन चेंडूंवरही षटकार ठोकले. यानंतर षटकाचा चौथा चेंडू डॉट होता, पण शेवटच्या दोन चेंडूंवर शाकिबला कोणत्याही प्रकारे स्वत:ला सावरता आले नाही आणि पूरनने षटकात ५ षटकार मारून ३० धावा कुटल्या.

८ चेंडूत केल्या ४६ धावा –

या सामन्यात कर्णधार निकोलस पूरनने ३१२.५० च्या स्ट्राईक रेटने फलंदाजी केली. ज्यामध्ये त्याने ७ षटकारांसह १ चौकार लगावला. म्हणजेच या सामन्यात पूरनने अवघ्या ८ चेंडूत ४६ धावा ठोकल्या. या कॅरेबियन फलंदाजाला यापूर्वी खराब फॉर्मचा सामना करावा लागला होता. त्यामुळे त्याने वेस्ट इंडिजचे कर्णधारपदही सोडले होते. आयपीएलमधील सनरायझर्सने त्याला आयपीएल मिनी लिलावापूर्वी रिलीज केले आहे. पण आता पूरनसाठी गोष्टी बदलत असल्याचे दिसत आहे.

हेही वाचा – Video: आई बाबा नव्हे मनात फक्त ‘ती’ व्यक्ती…ऋतुराज गायकवाडने सांगितलं ६ बॉलमध्ये ७ षटकार मारण्याचं गुपित

निकोलस पूरनने १६ चेंडूत ५० धावा केल्या, तर त्याचे सहकारी सलामीवीर देखील विरोधी गोलंदाजांची दमदार धुलाई करताना करताना दिसला. टॉम कोहलर-कॅडमोरनेही २१ चेंडूत ५ चौकार आणि ४ षटकारांच्या मदतीने २३८.०९ च्या स्ट्राईक रेटने ५० धावा केल्या. या दोन खेळाडूंच्या खेळीच्या जोरावर डेक्कन ग्लॅडिएटर्सने अवघ्या ३१ चेंडूत १०९ धावा करत सामना संपवला. त्याचबरोबर हा सामना ग्लॅडिएटर्सने १० गडी राखून जिंकला.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 01-12-2022 at 14:15 IST

संबंधित बातम्या