IND vs WI 2nd ODI: अबकी बार ४०० पार! एकाच डावात ३ शतकं; वेस्ट इंडिजने भारताविरुद्ध खेळताना केला ‘हा’ मोठा रेकॉर्ड

३ फलंदाजांनी झळाकावली शतकं

या सामन्यात भारतीय संघाने नाणेफेक जिंकून वेस्ट इंडिजला प्रथम फलंदाजी करण्याचं आमंत्रण दिलं. पण हा निर्णय पूर्णपणे फसला. कारण वेस्ट इंडिजच्या फलंदाजांनी सुरूवातीपासूनच भारतीय गोलंदाजांवर हल्ला चढवला. यादरम्यान वेस्ट इंडिज क्रिकेट इतिहासात पहिल्यांदाच वनडे सामन्यातील एकाच डावात ३ फलंदाजांनी शतकं झळकावली. डावाची सुरूवात करण्यासाठी आलेल्या जॉन कॅम्पबेलने ६८ चेंडूंमध्ये १०१ धावांची दमदार शतकी खेळी केली. तर शे होपने ९४ चेंडूंमध्ये १०४ धावांचे योगदान दिले. तर भारताविरुद्ध पहिल्यांदाच खेळत असलेल्या आमीर जंगूने ७७ चेंडूंमध्ये ११४ धावा केल्या. या तिन्ही फलंदाजांनी इतिहास घडवला. याआधी वेस्ट इंडिजच्या ३ फलंदाजांनी एकाच डावात ३ शतकं झळकावली नव्हती.

वेस्ट इंडिजने उभारली भारताविरुद्ध खेळताना सर्वोच्च धावसंख्या

वेस्ट इंडिजने या सामन्यातील पहिल्या डावात फलंदाजी करताना ५० षटकांअखेर ७ गडी बाद ४०५ धावा केल्या. ही वेस्ट इंडिजची वनडे क्रिकेटच्या इतिहासातील सर्वोच्च धावसंख्या आहे. याआधी भारतीय संघाने इतक्या मोठ्या आव्हानाचा यशस्वी पाठलाग केलेला नाही. याआधी भारतीय संघाने ऑस्ट्रेलियाविरुद्ध खेळताना ३६० धावांचा यशस्वी पाठलाग केला होता. त्यामुळे भारतीय संघाला हा सामना जिंकायचा असेल, तर इतिहास घडवावा लागणार आहे. याआधी ८ गडी बाद ३३३ धावा ही भारतीय संघाविरुद्ध खेळताना वेस्ट इंडिजने केलेली सर्वोच्च धावसंख्या होती. आता ४०० धावा करताच वेस्ट इंडिजने इतिहासाला गवसणी घातली आहे.

वेस्ट इंडिजने भारताविरुद्ध खेळताना उभारलेली सर्वोच्च धावसंख्या