दक्षिण आफ्रिकेच्या संघाने वेस्ट इंडिजवर दणदणीत विजय मिळवला. या विजयासह दक्षिण आफ्रिकेने सेमी फायनलमध्ये जवळपास प्रवेश केला. ८३/७ स्थितीतून वेस्ट इंडिजने १७६ धावांची मजल मारली. मात्र एडन मारक्रम, क्विंटन डी कॉक आणि रायल रिकलटन या त्रिकुटाच्या बळावर दक्षिण आफ्रिकेने ९ विकेट्सने बाजी मारली.
WI vs SA Live Cricket Score, West Indies vs South Africa T20 World Cup Live Score, Scorecard Updates:
मारक्रम-रिकलटनची जोडी जमली
एडन मारक्रम आणि रायल रिकलटन या जोडीने दक्षिण आफ्रिकेला विजयासमीप नेलं आहे. वेस्ट इंडिजच्या गोलंदाजांना नामोहरम करत या जोडीने विजय सुकर केला आहे.
कर्णधार एडन मारक्रमचं अर्धशतक
दक्षिण आफ्रिकेचा कर्णधार एडन मारक्रमने खणखणीत अर्धशतक झळकावत विजयाचा पाया रचला आहे.
फटकेबाजीनंतर क्विंटन डी कॉक तंबूत
संथ सुरुवात करून नंतर जोरदार फटकेबाजी करणाऱ्या क्विंटन डी कॉकला रॉस्टन चेसने बाद केलं. त्याने २४ चेंडूत ४७ धावांची खेळी केली.
शामर जोसेफच्या पहिल्या षटकात लुटल्या १६ धावा
क्विंटन डी कॉक आणि एडन मारक्रम यांनी वेस्ट इंडिजचा वेगवान गोलंदाज शामर जोसेफच्या पहिल्याच षटकात १६ धावा चोपून काढल्या.
दक्षिण आफ्रिकेचं अर्धशतक
कर्णधार एडन मारक्रमच्या वेगवान खेळीच्या बळावर दक्षिण आफ्रिकेने पाचव्या षटकात अर्धशतकाचा टप्पा ओलांडला.
मारक्रमला मिळालं जीवदान
चौकार-षटकारांनिशी सुरुवात करणाऱ्या एडन मारक्रमला ब्रँडन किंगने जीवदान दिलं. मॅथ्यू फोर्डच्या गोलंदाजीवर मारक्रमने मारलेला फटका अडवण्याचा प्रयत्न किंगने केला. चेंडू त्याच्या हाताला लागला. उपचारांसाठी त्याला मैदान सोडावं लागलं.
एडन मारक्रमची आक्रमक सुरुवात
दक्षिण आफ्रिकेचा कर्णधार एडन मारक्रमने वेस्ट इंडिजविरुद्धच्या लढतीत आक्रमक सुरुवात केली आहे.
वेस्ट इंडिज १७६; होल्डर-शेफर्ड भागीदारीने तारलं
जेसन होल्डर आणि रोमारिओ शेफर्ड यांनी आठव्या विकेटसाठी केलेल्या ५७ चेंडूत ८९ धावांच्या भागीदारीमुळे वेस्ट इंडिजने १७६ धावांची मजल मारली. वेस्ट इंडिजची ८३/७ अशी घसरगुंडी उडाली होती.
वेस्ट इंडिजचा निम्मा संघ तंबूत
दक्षिण आफ्रिकेच्या भेदक माऱ्यासमोर वेस्ट इंडिजची भंबेरी उडाली आहे. त्यांचे पाच शिलेदार तंबूत परतले आहेत.
लुंगी एन्गिडीचा दणका
लुंगी एन्गिडीने एकाच षटकात ब्रँडन किंग आणि रॉस्टन चेस यांना परतीचा रस्ता दाखवला आहे.
शिमोरन हेटमायर माघारी
शिमोरन हेटमायर जीवदान मिळाल्यानंतरही खेळपट्टीवर तग धरू शकला नाही. कागिसो रबाडाच्या चेंडूवर कार्बिन बॉशने त्याचा झेल सोडला. मात्र पुढच्याच चेंडूवर केशव महाराजने त्याचा अफलातून झेल टिपला.
वेस्ट इंडिजचा कर्णधार शे होप तंबूत
आक्रमक सुरुवात करणाऱ्या शे होपला कागिसो रबाडाने दुसऱ्याच चेंडूवर माघारी परतावलं.
केशव महाराजच्या षटकात लुटल्या १७ धावा
वेस्ट इंडिजने पहिल्याच षटकात १७ धावा चोपून काढल्या.
वेस्ट इंडिज संघात अकेल हुसेनऐवजी रॉस्टन चेस
वेस्ट इंडिज- शे होप, ब्रँडन किंग, शिमोरन हेटमायर, रोव्हमन पॉवेल, शेरफन रुदरफोर्ड, रॉस्टन चेस, जेसन होल्डर, रोमारिओ शेफर्ड, मॅथ्यू फोर्ड, गुदकेश मोटी, शामर जोसेफ.
दक्षिण आफ्रिका- एडन मारक्रम, क्विंटन डी कॉक, रायल रिकलटन, डेवाल्ड ब्रेव्हिस, डेव्हिड मिलर, ट्रिस्टन स्टब्ज, मार्को यान्सन, कार्बिन बॉश, कागिसो रबाडा, केशव महाराज, लुंगी एन्गिडी
दक्षिण आफ्रिकेने टॉस जिंकला, बॉलिंगचा निर्णय
दक्षिण आफ्रिकेचा कर्णधार एडन मारक्रमने टॉस जिंकला असून, त्याने बॉलिंगचा निर्णय घेतला. दक्षिण आफ्रिकेच्या संघात कोणतेही बदल नाहीत.
[caption id="attachment_5518219" align="alignnone" width="670"]
WI vs SA Live Cricket Score, West Indies vs South Africa T20 World Cup Today Match Live Cricket Score Updates:
