Ind vs NZ: भारत – न्यूझीलंड वनडे मालिका फुकटात कुठे पाहता येणार? - Marathi News | When And Where To Watch India Vs Newzealand Odi Series Know Live Streaming Details Cricket News In Marathi Amd 2000

India vs Newzealand Live Streaming Details: भारत आणि न्यूझीलंड यांच्यातील ३ वनडे सामन्यांच्या मालिकेतील पहिला सामना लाईव्ह कुठे पाहता येणार? जाणून घ्या.

ind vs nz (फोटो-लोकसत्ता)

When And Where To Watch IND vs NZ 1st ODI: भारत आणि न्यूझीलंड या दोन्ही संघांमध्ये ३ वनडे सामन्यांची मालिका रंगणार आहे. या मालिकेतील पहिला सामना ११ जानेवारीला वडोदरा येथे खेळवला जाणार आहे. या सामन्यासाठी जाहीर करण्यात आलेल्या भारतीय संघात शुबमन गिलला पुनरागमन करण्याची संधी देण्यात आली आहे. गिलला दुखापतीमुळे संघाबाहेर राहावं लागलं होतं. तो या मालिकेत भारतीय संघाचं नेतृत्व करताना दिसेल. तर न्यूझीलंडची जबाबदारी मायकल ब्रेसवेलकडे सोपवण्यात आली आहे. दरम्यान हा सामना फुकटात लाईव्ह कुठे पाहता येणार? जाणून घ्या.

लाईव्ह कुठे पाहता येणार?

भारत आणि न्यूझीलंड यांच्यात होणाऱ्या वनडे मालिकेतील सामने तुम्ही स्टार स्पोर्ट्सवर लाईव्ह पाहू शकता. पण जर तुम्हाला हे सामने मोबाईलवर लाईव्ह पाहायचे असतील तर तुम्ही जियो हॉटस्टारवर लाईव्ह पाहू शकता. मुख्य बाब म्हणजे, हे सामने तुम्ही फुकटात पाहू शकता. त्यासाठी तुम्हाला एकही रुपया खरेदी करायची गरज नाही. तुम्हाला फक्त जियो हॉटस्टार ॲप डाउनलोड करावा लागणार आहे.

हेही वाचा

Kho-Kho : नाशिकमधील निवासी खो-खो प्रबोधिनी पुन्हा चर्चेत! राष्ट्रीय स्पर्धेसाठी इतक्या खेळाडूंची निवड…

स्टार खेळाडू परतणार

या मालिकेतून भारतीय संघातील स्टार खेळाडू पुनरागमन करताना दिसून येणार आहेत. विराट कोहली आणि रोहित शर्मा दोघेही आधीपासून संघाचा भाग आहेत. हे दोघे पुनरागमन करताना दिसून येणार आहेत. तर श्रेयस अय्यर आणि शुबमन सारखे खेळाडू दुखापतीतून सावरून पुनरागमन करणार आहेत. ऑस्ट्रेलिया दौऱ्यावर असताना श्रेयस अय्यर दुखापतग्रस्त झाला होता. या मालिकेनंतर तो पहिल्यांदाच खेळणार आहे.

हेही वाचा

WPL 2026: चॅम्पियन विरुद्ध चॅम्पियन! RCB ला आव्हान देण्यासाठी कशी असेल मुंबईची प्लेईंग ११? जाणून घ्या

दोन्ही संघांचा रेकॉर्ड

भारत आणि न्यूझीलंड हे दोन्ही संघ आंतरराष्ट्रीय क्रिकेटमधील बलाढ्य संघ आहेत. भारत आणि न्यूझीलंड यांचा वनडे क्रिकेटमधील हेड टू हेड रेकॉर्ड पाहिला, तर दोन्ही संघ १२० वनडे सामन्यांमध्ये आमनेसामने आले आहेत. यादरम्यान भारतीय संघाने ६२ सामने जिंकले आहेत. तर न्यूझीलंडने ५० सामन्यांमध्ये बाजी मारली आहे. या दोन्ही संघांमध्ये भारतीय संघ आघाडीवर आहे. तर गेल्या ७ सामन्यांमध्ये दोन्ही संघांचा रेकॉर्ड पाहिला, तर भारतीय संघाने सातही सामने जिंकले आहेत. त्यामुळे भारतीय संघाचं पारडं जड आहे.