Mumbai Shardul Thakur took 6 wickets for 21 runs against Assam : भारताचा वेगवान गोलंदाज अष्टपैलू शार्दुल ठाकूरने रणजी सामन्यांमध्ये आपली ताकद दाखवून दिली आहे. आजपासून (शुक्रवार) सुरू झालेल्या आसामविरुद्धच्या रणजी सामन्यात शार्दुल मुंबईकडून खेळत आहे. सामन्याच्या पहिल्या दिवशी त्याने दमदार गोलंदाजी केली आणि अवघ्या २१ धावांत ६ विकेट्स घेतल्या. त्याच्या दमदार गोलंदाजीमुळे मुंबईने आसामला पहिल्या डावात अवघ्या ८४ धावांत गुंडाळले.

आयपीएलपूर्वी शार्दुलची ही गोलंदाजी खूप महत्त्वाची आहे. वास्तविक, गेल्या काही सामन्यांत तो लयीत दिसला नाही. देशांतर्गत क्रिकेटमध्ये पण त्याला काही खास करता आले नव्हते. दक्षिण आफ्रिकेविरुद्धच्या सेंच्युरियन कसोटीतही त्याला एकच विकेट घेता आली होती. त्यामुळे दक्षिण आफ्रिका दौऱ्यावरील दुसऱ्या कसोटीत त्याला संधी मिळाली नाही. इंग्लंडविरुद्धच्या कसोटी मालिकेतूनही तो बाहेर आहे. यानंतर शार्दुलने रणजी सामने खेळून आपला फॉर्म शोधण्याचा प्रयत्न केला आहे.

IPL 2024 Mumbai Indians vs Chennai Super Kings Match Updates in Marathi
IPL 2024: लवकरच सगळेजण हार्दिक पंड्याचे गोडवे गातील; कायरॉन पोलार्ड हार्दिकच्या मागे भक्कम उभा
Jasprit Bumrah taking five wickets against RCB in IPL 2024
MI vs RCB : जसप्रीत बुमराह फलंदाजांसाठी इतका धोकादायक का आहे? आपल्या यशाचे गुपित स्वत:च केले उघड
Abhishek Sharma Breaks Chris Gayle and Sunil Narine's Record in SRH vs CSK Match
SRH vs CSK : अभिषेकने वादळी खेळीच्या जोरावर मोडला गेल-नरेनचा विक्रम, IPL मध्ये ‘हा’ पराक्रम करणारा ठरला पहिला फलंदाज
md siraj
बंगळुरूच्या गोलंदाजांकडून कामगिरीत सुधारणेची अपेक्षा! ‘आयपीएल’मध्ये आज पंजाब किंग्जचे आव्हान

छत्तीसगडविरुद्धच्या शेवटच्या रणजी सामन्यात शार्दुलला गोलंदाजीने प्रभावित करता आले नव्हते. त्याला एकही विकेट मिळाली नव्हती. मात्र आता त्याने आसामविरुद्ध शानदार गोलंदाजी करत फॉर्ममध्ये परतण्याचे संकेत दाखवले आहेत. त्याच्या या कामगिरीवर चेन्नई सुपर किंग्जही खूप खूश असेल. यावेळी शार्दुल आयपीएलमध्ये सीएसके संघाचा सदस्य आहे. याआधी तो चेन्नईकडून आयपीएलही खेळला आहे.

हेही वाचा – IND vs ENG : रविचंद्रन अश्विनने रचला इतिहास! कसोटीत ५०० विकेट्स घेणारा भारताचा दुसरा आणि जगातील नववा गोलंदाज ठरला

शार्दुलची आंतरराष्ट्रीय कारकीर्द –

शार्दुल ठाकूरने ऑगस्ट २०१७ मध्ये आंतरराष्ट्रीय क्रिकेटमध्ये पदार्पण केले. आतापर्यंत त्याने ११ कसोटी, ४७ एकदिवसीय आणि २५ टी-२० आंतरराष्ट्रीय सामने खेळले आहेत. आंतरराष्ट्रीय क्रिकेटमध्ये त्याच्या नावावर १२९ विकेट्स आहेत. फलंदाजीतही तो प्रभावी ठरला आहे. त्याच्या खात्यात ७०० हून अधिक धावांची नोंद आहे. शार्दुलने आंतरराष्ट्रीय क्रिकेटमध्ये ५ अर्धशतके झळकावली आहेत.