Team India Captain: सूर्यकुमार यादवनंतर कोण होणार टी-२० संघाचा कर्णधार? ‘हा’ खेळाडू आहे प्रबळ दावेदार

रोहित शर्माने टी-२० आंतराष्ट्रीय क्रिकेटमधून निवृत्तीची घोषणा केल्यानंतर ही जबाबदारी सूर्यकुमार यादवकडे सोपवण्यात आली होती. सूर्याने ही जबाबदारी योग्यरित्या पार पाडली. पण पुढील वर्ल्डकप स्पर्धेआधी भारतीय संघाकडून नव्या कर्णधाराची घोषणा केली जाऊ शकते. मोहम्मद कैफच्या मते, सूर्याची जागा घेण्यासाठी संजू सॅमसन योग्य पर्याय आहे.

भारतीय संघाला टी-२० वर्ल्डकप चॅम्पियन बनवण्यात संजू सॅमसनचा मोलाचा वाटा राहिला आहे. ५ सामने खेळून संजू सॅमसनने प्लेअर ऑफ द टूर्नामेंटचा पुरस्कार पटकावला. या स्पर्धेत भारतीय संघाकडून सर्वाधिक धावा करणाऱ्या फलंदाजांच्या यादीत तो अव्वल स्थानी राहिला. संजूला वेस्ट इंडिजविरूद्ध झालेल्या सुपर ८ फेरीतील शेवटच्या सामन्यात भारतीय संघात संधी दिली गेली होती. या सामन्यात त्याने नाबाद ९७ धावांची खेळी केली होती. त्यानंतर इंग्लंडविरूद्ध झालेल्या सेमी फायनल सामन्यात त्याने ८९ धावांची खेळी केली होती. तर अंतिम सामन्यात न्यूझीलंडविरूद्ध खेळतानाही त्याने ८९ धावांची खेळी केली होती. तसेच संजूकडे संघाचं नेतृत्व करण्याचा अनुभव देखील आहे.

संजू सॅमसनला कर्णधार बनवण्याबाबत बोलताना संजू सॅमसन म्हणाला, “सॅमसनच कर्णधार बनू शकतो. मला तरी हेच वाटतं की, कर्णधारपदासाठी तोच योग्य दावेदार असतो, ज्याला जग ओळखतं. नव्या खेळाडूकडे कर्णधारपदाची जबाबदारी सोपवणं धोक्याचं ठरू शकतं.” भारतीय टी-२० संघाच्या कर्णधारपदासाठी संजू सॅमसनसह शुबमन गिल आणि अक्षर पटेल हे प्रबळ दावेदार आहेत. पण संजू सॅमसनचा अनुभव पाहता ही जबाबदारी त्याच्याकडे सोपवली जाऊ शकते.