Women's Asia Cup 2022: Women's Asia Cup to start from October 1, India-Pak announced avw 92 | Loksatta

Women’s Asia Cup 2022: महिला आशिया चषक मधील बहुतेक संघाची निवड पूर्ण, एक ऑक्टोबर पासून सुरु

महिला आशिया चषक २०२२ पुढील महिन्यापासून बांगलादेशमध्ये खेळवला जाणार आहे. त्याच वेळी, आतापर्यंत भारत-पाकिस्तानसह बहुतेक देशांनी आपला संघ जाहीर केला आहे.

Women’s Asia Cup 2022: महिला आशिया चषक मधील बहुतेक संघाची निवड पूर्ण, एक ऑक्टोबर पासून सुरु
प्रातिनिधीक छायाचित्र (लोकसत्ता)

पुरुषांचा आशिया चषक २०२२ संपला. श्रीलंकेचा संघ पाकिस्तानला पराभूत करून आशिया चषक २०२२ चा चॅम्पियन बनला, पण आता महिला आशिया कपची पाळी आहे. वास्तविक, महिला आशिया चषक २०२२ पुढील महिन्यापासून बांगलादेशमध्ये खेळवला जाणार आहे. भारत आणि पाकिस्तानसह बहुतांश देशांनी या स्पर्धेसाठी आपला संघ जाहीर केला आहे. त्याचवेळी, ही स्पर्धा बांगलादेशमध्ये १ ऑक्टोबर ते १६ ऑक्टोबर दरम्यान खेळवली जाईल.

महिला आशिया चषक २०२२ मध्ये एकूण ७ संघ सहभागी होत आहेत. आतापर्यंत भारत-पाकिस्तान व्यतिरिक्त श्रीलंका आणि मलेशियाने आपले संघ जाहीर केले आहेत. तर थायलंड, यूएई आणि यजमान बांगलादेशने अद्याप आपला संघ जाहीर केलेला नाही. आशिया चषक २०२२ मध्ये हरमनप्रीत कौर भारतीय संघाची कर्णधार असेल. त्याचबरोबर सलामीवीर स्मृती मंधाना हिला उपकर्णधार बनवण्यात आले आहे. याशिवाय युवा फलंदाज रिचा घोषची यष्टिरक्षक म्हणून निवड करण्यात आली आहे.दीप्ती शर्माशिवाय शेफाली वर्मा, जेमिमा रॉड्रिग्ज आणि सबिनेनी मेघना यांची निवड करण्यात आली आहे. मात्र, यास्तिका भाटियाला या स्पर्धेसाठी भारतीय संघात स्थान मिळालेले नाही.

हेही वाचा   :  बीसीसीआयला लवकरच मिळणार नवीन अध्यक्ष आणि उपाध्यक्ष, १८ ऑक्टोबरला होणार मुंबईत निवडणूक 

भारतीय संघ

हरमनप्रीत (कर्णधार), स्मृती मंधाना (उपकर्णधार), दीप्ती शर्मा, शफाली वर्मा, जेमिमा रॉड्रिग्ज, सबिनेनी मेघना, रिचा घोष (यष्टीरक्षक), स्नेह राणा, दयालन हेमलता, मेघना सिंग, रेणुका ठाकूर, पूजा वस्त्रकर, राजेश्वरी गायकवाड, राजेश्वरी गायकवाड. यादव, के.पी.नवगिरे, तानिया सपना, भाटिया, सिमरन दिल बहादूर

पाकिस्तान संघ

बिस्मा मारूफ (कर्णधार), आयमान अन्वर, आलिया रियाझ, आयेशा नसीम, ​​डायना बेग, फातिमा सना, कैनत इम्तियाज, मुनीबा अली (यष्टीरक्षक), निदा दार, ओमामा सोहेल, सदफ शमास, सादिया इक्बाल, सिद्रा अमीन, सिद्रा नवाज, तुबा हसन, नशरा संधू, नतालिया परवेझ, उम्मे हानी, वहिदा अख्तर

श्रीलंका संघ

चमारी अथापथु (कर्णधार), हसिनी परेरा, हर्षिता समरविक्रमा, कविशा दिलहरी, निलाक्षी डी सिल्वा, अनुष्का संजीवनी (यष्टीरक्षक), कौशली नुथ्यांगना, ओशादी रणसिंघे, मलशा शेहानी, मधुशिका मेथानंद, इनोका रणवीर, रश्मी सिल्वा, रश्मी सिल्वा, रश्मी सिल्वा.

मलेशिया संघ

विनिफ्रेड दुराईसिंगम (कर्णधार), मास अलिसा (उप-कर्णधार), साशा आझमी, आयसा अलिसा, आयना हमीझा हाशिम, एल्सा हंटर, जमीदा इंतान, माहिरा इज्जती इस्माईल, व्हॅन ज्युलिया (यष्टीरक्षक), धनुश्री मुहुनन, आयना नजवा (यष्टीरक्षक), नुरिल्या नटस्या, नूर अरियाना नटस्या, नूर दानिया स्युहादा, नूर हयाती झकारिया

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 26-09-2022 at 19:12 IST
Next Story
बीसीसीआयला लवकरच मिळणार नवीन अध्यक्ष आणि उपाध्यक्ष, १८ ऑक्टोबरला होणार मुंबईत निवडणूक