womens asia cup t20 2022 india vs malaysia match predictions zws 70 | Loksatta

आशिया चषक क्रिकेट स्पर्धा : शफालीच्या कामगिरीकडे लक्ष! ; आज भारतीय महिला संघाचा मलेशियाशी सामना

भारताच्या नजरा पुढील वर्षी दक्षिण आफ्रिकेत होणाऱ्या ट्वेन्टी-२० विश्वचषकाकडे असून अधिकाधिक खेळाडूंना संधी देण्याचा त्यांचा प्रयत्न असेल.

आशिया चषक क्रिकेट स्पर्धा : शफालीच्या कामगिरीकडे लक्ष! ; आज भारतीय महिला संघाचा मलेशियाशी सामना
भारताची सलामीवीर शफालीला गेल्या काही काळापासून धावांसाठी झगडावे लागले आहे

सिल्हेट (बांगलादेश)

श्रीलंकेविरुद्ध विजय मिळवत आपल्या मोहिमेची सकारात्मक सुरुवात करणाऱ्या भारतीय महिला संघाचा सोमवारी आशिया चषक ट्वेन्टी-२० क्रिकेट स्पर्धेत मलेशियाशी सामना होणार आहे. या सामन्यात मोठा विजय साकारण्याचा भारताचा मानस असेल, त्यासोबतच सलामीवीर शफाली वर्माच्या कामगिरीवरही सर्वाचे लक्ष असेल.

हरमनप्रीत कौरच्या नेतृत्वाखालील भारतीय संघ या सामन्याकडे एखाद्या सराव सामन्यासारखे पाहू शकेल. पाकिस्तानने पहिल्या सामन्यात मलेशियाचा नऊ गडी राखून पराभव केला होता. त्यामुळे भारतीय संघही या सामन्यात मोठा विजय मिळवणे अपेक्षित आहे. जेमिमा रॉड्रिग्जच्या खेळीमुळे भारताने पहिल्या सामन्यात श्रीलंकेला नमवले होते. भारताच्या नजरा पुढील वर्षी दक्षिण आफ्रिकेत होणाऱ्या ट्वेन्टी-२० विश्वचषकाकडे असून अधिकाधिक खेळाडूंना संधी देण्याचा त्यांचा प्रयत्न असेल.

भारताची सलामीवीर शफालीला गेल्या काही काळापासून धावांसाठी झगडावे लागले आहे. १८ वर्षीय शफालीने गेल्या वर्षी मार्चपासून ट्वेन्टी-२० क्रिकेटमध्ये अर्धशतक झळकावलेले नाही. राष्ट्रकुल क्रीडा स्पर्धेदरम्यान तिने काही चांगल्या खेळी केल्या. मात्र, त्यानंतरच्या इंग्लंड दौऱ्यात तिला चमक दाखवता आली नाही. शफालीला आंतरराष्ट्रीय क्रिकेटमध्ये तीन वर्षे झाली असून तिला खेळात सातत्य राखता आलेले नाही. मलेशियाच्या कमी अनुभवी गोलंदाजांविरुद्ध धावा करून आत्मविश्वास परत मिळवण्याचा शफालीचा प्रयत्न असेल.

रॉड्रिग्जने गेल्या सामन्यात आपल्या कारकीर्दीतील सर्वोत्तम कामगिरी केली. हरमनप्रीतलाही लय सापडली आहे, तर गेल्या सामन्यात अपयशी झालेली सलामीवीर स्मृती मानधना मोठी खेळी करण्याचा प्रयत्न करेल. या सामन्यात किरण नवगिरेसारख्या नवख्या खेळाडूंनाही संधी मिळू शकते. गोलंदाजीचे योग्य संयोजन तयार करण्याकडेही भारतीय संघाचे लक्ष असेल. गोलंदाजीची भिस्त प्रामुख्याने रेणुका सिंह ठाकूरवर असेल.

* वेळ : दुपारी १ वा.

* थेट प्रक्षेपण : स्टार स्पोर्ट्स २

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
जागतिक टेबल टेनिस स्पर्धा : भारतीय पुरुष संघाचा जर्मनीला पराभवाचा धक्का

संबंधित बातम्या

‘तो’ झेल सुटला अन् भारताचा खेळ खल्लास, भर मैदानातच कर्णधार रोहित शर्मा भडकला, Video होतोय तुफान Viral
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
IND vs BAN 1st ODI: थरारक सामन्यात बांगलादेशचा भारतावर एक गडी राखून विजय; केएल राहुलचे अर्धशतक व्यर्थ
IND vs BAN 1st ODI: बांगलादेशकडून टीम इंडियाचा मानहानीकारक पराभव चाहत्यांकडून कठोर शब्दात टीका
IND vs BAN 1st ODI: शाकीब अल हसनचा झेल घेत विराट कोहलीने केली सव्याज परतफेड

व्हिडिओ

ताज्या बातम्या
पुणे: अंमली पदार्थांची विक्री करणाऱ्या सासू-सुनेला अटक; २० किलो गांजा जप्त
‘बिग बॉस’ मराठीच्या घरातून ‘हे’ वाईल्ड कार्ड स्पर्धक बाहेर; नेमकं कारण काय?
‘छत्रपती शिवाजी महाराजांबाबतची चुकीची विधाने खपवून घेतली जाणार नाहीत’; खासदार श्रीकांत शिंदे यांचा इशारा
FIFA WC 2022: किलर किलियन! फ्रान्सची नवव्यांदा विश्वचषकाच्या उपांत्यपूर्व फेरीत धडक, पोलंडची झुंज अपयशी
‘ज्यांना इतिहास माहिती नाही त्यांनी यामध्ये पडू नये’; राज्यपालांनी शिवरायांबाबत केलेल्या विधानावरुन श्रीकांत शिंदे आक्रमक