World Boxing Championship : भारताच्या मंजू राणीला रौप्यपदक

अंतिम फेरीत रशियन खेळाडूची बाजी

भारताच्या मंजू राणीचं जागतिक अजिंक्यपद बॉक्सिंग स्पर्धेत, पदार्पणातच सुवर्णपदक जिंकण्याचं स्वप्न अखेरीस भंगल आहे. ४८ किलो वजनी गटात मंजू राणीला अंतिम फेरीत रशियाच्या एकातेरिना पाल्टसेवाकडून पराभवाचा सामना करावा लागला. रशियन खेळाडूने अंतिम सामन्यात पूर्णपणे आपलं वर्चस्व गाजवंल, ज्यामुळे पंचांनी एकातेरिनाच्या बाजूने ४-१ असा निर्णय दिला.

अंतिम फेरीतल्या या पराभवानंतरही मंजू राणीने ऐतिहासीक कामगिरीची नोंद केली आहे. १८ वर्षांनंतर पदार्पणात जागतिक अजिंक्यपद स्पर्धेच्या अंतिम फेरीत प्रवेश करणारी मंजू पहिली महिला भारतीय खेळाडू ठरली आहे. २००१ साली मेरी कॉमने अशी कामगिरी करुन दाखवली होती. मंजूच्या पराभवानंतर भारताचं जागतिक अजिंक्यपद स्पर्धेतलं आव्हान संपुष्टात आलं आहे. भारताकडून मंजू राणीने रौप्य, तर मेरी कोम, जमुना बोरो आणि लवलीना यांनी कांस्य पदकाची कमाई केली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: World boxing championship 2019 manju rani settle for silver in 48 kg category psd

Next Story
सचिन संपलेला नाही!
ताज्या बातम्या