WPL 2023 Final Highlights Updates, MI-W vs DC-W: महिला प्रीमियर लीगचा उद्घाटन हंगाम आज संपत आहे. अंतिम सामन्यात मुंबई इंडियन्सने दिल्ली कॅपिटल्सचा सात गडी राखून पराभव केला. हरनप्रीत कौरच्या संघाने पहिल्या सत्राचे विजेतेपद पटकावत आश्चर्यकारक कामगिरी केली. मुंबईच्या ब्रेबॉर्न स्टेडियमवर दिल्ली कॅपिटल्सची कर्णधार मेग लॅनिंगने नाणेफेक जिंकून प्रथम फलंदाजी करण्याचा निर्णय घेतला. दिल्लीने २० षटकांत नऊ गडी गमावून १३१ धावा केल्या. प्रत्युत्तरात मुंबईने १९.३ षटकांत तीन गड्यांच्या मोबदल्यात १३४ धावा करून सामना जिंकला. मुंबईची झुंजार खेळी मुंबई इंडियन्स संघाची सुरुवात खास ठरली नाही. मात्र, नंतर मुंबईची गाडी रुळावर आली. मुंबईला पहिले दोन धक्के यास्तिका भाटिया (४धावा) आणि आणि हेली मॅथ्यूज (१३धावा) यांच्या रूपात अनुक्रमे १३ आणि २३ धावसंख्येवर बसले. त्यानंतर हरमनप्रीत कौर आणि नॅटली सिव्हर-ब्रंट यांनी डाव सांभाळला. त्यांच्यात ७२ धावांची भागीदारी झाली. यावेळी हरमनप्रीत ३७ धावांवर बाद झाली. मात्र, ब्रंटने शेवटपर्यंत झुंज दिली. शिखा आणि राधाची खेळी व्यर्थ प्रथम फलंदाजीसाठी उतरलेल्या दिल्ली कॅपिटल्सची सुरुवात चांगली झाली नाही. संपूर्ण नाणेफेक चेंडूवर संघाने पहिले तीन विकेट गमावले. एलिमिनेटरमध्ये हॅटट्रिक घेणार्या इस्सी वोंगने शफाली वर्मा (११), अॅलिस कॅप्सी (०) आणि जेमिमाह रॉड्रिग्ज (९) यांना बाद करून पॉवरप्लेमध्येच दिल्लीला बॅकफूटवर आणले. मेग लॅनिंगने एक बाजू धरून ठेवली होती. कॅप्सी आणि लॅनिंग यांनी चौथ्या विकेटसाठी भागीदारी केली पण कॅप्सी २१ चेंडूत १८ धावा करून तंबूत परतली. पाठोपाठ यानंतर कर्णधार मेग लॅनिंग धावबाद झाली. त्याने २९ चेंडूत ३५ धावा केल्या. एकवेळेस असे वाटत होते की दिल्ली १०० धावांचा आकडा पार करेल की नाही पण शिखा पांडे आणि राधा यादवने तुफान अर्धशतकी भागीदारी करत मुंबईला चांगलेच झुंजवले. दोघींनी प्रत्येकी २७-२७ धावा केल्या. विजयासाठी आता १३२ धावांचे आव्हान ठेवले होते. ते त्यांनी सहज पार केले. महिला प्रीमिअर लीग २०२३ स्पर्धेला मुंबई इंडियन्सच्या रूपात पहिला वहिला विजेता संघ मिळाला आहे. या विजयामुळे कदाचित पुरुष मुंबई इंडियन्स (Mumbai Indians) संघाचाही आत्मविश्वास वाढला असेल. कारण, ३१ मार्चपासून आयपीएल २०२३ (IPL 2023) हंगामाला सुरुवात होत आहे.