WPL 2023, MI-W vs DC-W Highlights: नवी मुंबईत दिल्लीचा धमाका! मेग-एलिसची चौफेर फटकेबाजी, DC चा MI वर दणदणीत विजय

मुंबई इंडियन्सने २० षटकात ८ विकेट्स गमावत दिल्लीला ११० धावांचं आव्हान दिलं आहे. या आव्हानाला चोख प्रत्युत्तर देण्यासाठी दिल्लीची कर्णधार मेग लॅनिंग आणि शफाली वर्मा मैदानात उतरली आहे. शफाली वर्माने चौफेर फटकेबाजी केल्यामुळं दिल्लीची धावसंख्या २ षटकानंतर बिनबाद २२ वर पोहोचली होती. पण त्यानंतर शफालीने चौफेर फटकेबाजी करत १५ चेंडूत ३३ धावा कुटल्या. मात्र, हेलीच्या गोलंदाजीवर शफाली वर्मा मोठा फटका मारण्याच्या प्रयत्नात यष्टीचीत झाली. दिल्लीची धावसंख्या ८ षटकानंतर ९१-१ अशी झाली आहे.

दिल्ली कॅपिटल्सने नाणेफेक जिंकून प्रथम गोलंदाजी करण्याचा निर्णय घेतला होता. त्यानंतर मैदानात उतरलेल्या मुंबईच्या फलंदाजांवर दिल्लीने भेदक मारा केला. मारिझान कापने मुंबईच्या टॉप ऑर्डरच्या फलंदाजांना तंबूत पाठवलं. मारिझान काप, शिखा पांडे आणि जेस जोनासने प्रत्येकी दोन विकेट घेतल्या. २० षटकांत मुंबईने ८ बाद १०९ धावाच केल्या. त्यामुळं दिल्लीला विजयासाठी ११० धावांची आवश्यकता असणार आहे.

१५ षटकानंतर मुंबई इंडियन्सची धावसंख्या ७५-६ अशी झाली. कर्णधार हरमनप्रीत कौरला या सामन्यातही अर्धशतकी खेळी करता आली नाही. शिखा पांडेच्या गोलंदाजीवर कौर २३ धावांवर बाद झाली. सीमारेषेजवळ असणाऱ्या जेमिमाने कौरचा झेल पकडला आणि मुंबईला मोठा धक्का दिला. दरम्यान, मुंबईची धावसंख्या १७ षटकानंतर ८८-६ अशी झाली. १९ षटकानंतर मुंबईची धावसंख्या १०४-७ अशी झालीय.

दिल्लीची गोलंदाज मारिझान कापने तिसऱ्या षटकात मुंबईच्या दोन फलंदाजांना बाद केलं. यास्तिका भाटिया फक्त एक धाव करून माघारी परतली. तर त्यानंतर दुसऱ्याच चेंडूवर कापने सिवर ब्रंटची दांडी गुल केली. त्यानंतर शिखा पांडेच्या गोलंदाजीवर हेली मॅथ्यूजचा जेमिमा रॉड्रिग्जने अप्रतिम झेल घेतला. ४ षटकानंतर मुंबईची धावसंख्या १३-३ अशी झाली होती. त्यानंतर केर बाद झाल्यानंतर पूजा वस्त्रकरने धावसंख्येचा आलेख चढता ठेवला. पण तिलाही मोठी धावसंख्या उभारता आली नाही. दरम्यान, मुंबई १३ षटकानंतर ६९-५ वर पोहोचली आहे.

दिल्लीची गोलंदाज मारिझान कापने तिसऱ्या षटकात मुंबईच्या दोन फलंदाजांना बाद केलं. यास्तिका भाटिया फक्त एक धाव करून माघारी परतली. तर त्यानंतर दुसऱ्याच चेंडूवर कापने सिवर ब्रंटची दांडी गुल केली. त्यानंतर शिखा पांडेच्या गोलंदाजीवर हेली मॅथ्यूजचा जेमिमा रॉड्रिग्जने अप्रतिम झेल घेतला. ४ षटकानंतर मुंबईची धावसंख्या १३-३ अशी झाली आहे. पाच षटकानंतर मुंबईची धावसंक्या १७-३ वर पोहोचली. ६ षटकानंतर मुंबई २०-३ अशा स्थितीत आहे. १२ षटकानंतर मुंबईची धावसंख्या ६१-५ अशी झाली आहे.

दिल्ली कॅपिटल्सने नाणेफेक जिंकून प्रथम क्षेत्ररक्षण करण्याचा निर्णय घेतला आहे. त्यामुळे मुंबई इंडियन्सच्या सलामीवीर फलंदाज हेली मॅथ्यूज आणि यास्तिका भाटिया दिल्लीच्या गोलंदाजांचा समाचार घेण्यासाठी मैदानात उतरल्या आहेत. मुंबईने पहिल्या षटकात फक्त दोन धावा केल्या आहेत. २ षटकानंतर मुंबईच्या बिनबाद ६ धावा झाल्या आहेत.

नवी मुंबईच्या डी वाय पाटील स्टेडियममध्ये मुंबई इंडियन्स विरुद्ध दिल्ली कॅपिटल्स यांच्यात थोड्याच वेळात १८ वा सामना रंगणार आहे. तत्पुर्वी दिल्लीची कर्णधार मेग लॅनिंगने नाणेफेक जिंकून क्षेत्ररक्षण करण्याचा निर्णय घेतला आहे. त्यामुळं मुंबईला पहिल्या इनिंगमध्ये फलंदाजी करावी लागणार आहे.

महिला प्रीमियर लीगमध्ये एकाहून एक रंगतदार सामने होत असून आज मुंबई इंडियन्स आणि दिल्ली कॅपिटल्स यांच्यात १८ वा सामना होणार आहे. नवी मुंबईच्या डी वाय पाटील स्टेडियममध्ये मुंबई विरुद्ध दिल्ली असा महामुकाबला होणार आहे. मुंबई इंडियन्सची कर्णधार हरमनप्रीत कौर जबरदस्त फॉर्ममध्ये आहे. मुंबई इंडियन्सने आतापर्यंत झालेल्या सहापैकी ५ सामन्यांमध्ये विजय संपादन केलं आहे. त्यामुळे मुंबईने सर्वात आधी प्ले ऑफ मध्ये प्रेवश केला असून गुणतालिकेत अव्वल स्थान गाठलं आहे. तर दिल्लीला सहापैकी ४ सामन्यांमध्ये विजयाचा सूर गवसल्याने त्यांचा संघ गुणतालिकेत दुसऱ्या स्थानावर आहे. सलग पाच सामने जिंकणाऱ्या मुंबईचा मागील सामन्यात यूपी वॉरियर्सने पराभव केला होता. त्यामुळे दिल्लीविरुद्ध होणाऱ्या आजच्या सामन्यात मुंबईच्या विजयाच्या आशा पल्लवीत होतात का? हे पाहावं लागणार आहे.