DC vs MI: जेमिमा रॉड्रिग्जची बॅट तळपली! अर्धशतकी खेळीने मुंबईचे आव्हान मोडीत काढले

महिला प्रीमियर लीग २०२६ स्पर्धेतील १३ वा सामना मुंबई इंडियन्स आणि दिल्ली कॅपिटल्स या दोन्ही संघांमध्ये पार पडला . या सामन्यात दिल्ली कॅपिटल्सने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करण्यासाठी आलेल्या मुंबई इंडियन्सने २० षटकांअखेर १५४ धावा केल्या. या धावांचा पाठलाग करताना दिल्लीकडून जेमिमाने अर्धशतकी खेळी केली आणि संघाला ७ गडी राखून दमदार विजय मिळवून दिला.

दिल्ली कॅपिटल्स संघाला पहिला धक्का बसला आहे. शफाली वर्मा २९ धावा करून माघारी परतली आहे.

प्रथम फलंदाजी करण्यासाठी आलेल्या मुंबई इंडियन्सने २० षटकांअखेर १५४ धावा केल्या आहेत. दिल्लीला हा सामना जिंकण्यासाठी १५५ धावा करायच्या आहेत.

नेट सिव्हर ब्रंटने ३४ चेंडूंचा सामना करत आपलं अर्धशतक पूर्ण केलं आहे.

मुंबई इंडियन्सला लागोपाठ २ धक्के बसले आहेत. सजीवन सजनानंतर हेली मॅथ्यूज देखील बाद होऊन माघारी परतली आहे.