WTC 2023 Final India vs Australia: लंडनमध्ये ओव्हल येथे भारत आणि ऑस्ट्रेलिया यांच्यात वर्ल्ड टेस्ट चॅम्पियनशिपचा अंतिम सामना खेळला जात आहे. या सामन्यात भारताने नाणेफेक जिंकून प्रथम गोलंदाजी करण्याचा निर्णय घेतला. मोहम्मद सिराजने टीम इंडियाला चांगली सुरुवात करून दिली. त्याने उस्मान ख्वाजाला बाद केले. याआधीही तो कांगारू संघासाठी सतत डोकेदुखी ठरला. सिराजच्या षटकातील एक चेंडू इतका धोकादायक होता की मार्नस लाबुशेन जखमी झाला, त्याच्या हातातून बॅट खाली पडली होती. वेगवान गोलंदाज मोहम्मद सिराजने टीम इंडियाला चांगली सुरुवात करून दिली. कांगारू फलंदाज उस्मान ख्वाजाला बाद करून सिराजला पहिले यश मिळाले. ख्वाजा खाते न उघडताच पॅव्हेलियनमध्ये परतला. यानंतर लाबुशेन आणि डेव्हिड वॉर्नर यांच्यात अर्धशतकी भागीदारी झाली. पहिली विकेट पडल्यानंतर ऑस्ट्रेलियाकडून मार्नस लाबुशेन फलंदाजीला आला. त्याच्याशी सिराज भिडला त्यांच्यात शाब्दिक चकमक पाहायला मिळाली. सिराज बॅट्समनला त्याच्या गोलंदाजी व्यतिरिक्त देखील इतर एका गोष्टीने सतत काही ना काही फलंदाजाच एकग्रता भंग करत असतो. तो स्लेजिंग आणि स्टॅरिंग करून फलंदाजाला नेहमीच सेट होऊ देत नाही. नेमका काय घडलं? खरे तर, भारतीय कर्णधार रोहित शर्माने डावातील ४०वे षटक सिराजकडे सोपवले. या षटकाच्या पहिल्या चेंडूवर लाबुशेन स्ट्राइकवर होता. सिराजने ताशी १४३ किलोमीटर वेगाने चेंडू टाकला, तो लाबुशेनच्या अंगठ्याला लागला. लाबुशेनला चेंडू लागताच त्याच्या हातातून बॅट खाली पडली. हे पाहून ऑस्ट्रेलियन संघाचे फिजिओ मैदानावर पोहोचले. पण दुखापत फारशी गंभीर नव्हती. यामुळे तो पुन्हा खेळू लागला. यानंतर सिराज त्याच्या जवळ जाऊन त्याच्याशी थोडा संवाद साधला. त्यानंतर दोघे जवळ आले आणि त्यांच्यात शाब्दिक चकमक झाली. त्यानंतर खेळ पुन्हा सुरु झाला, चाहते म्हणाले की, “हे क्रिकेट सोडून WWE आहे का? अशी मजेशीर चर्चा सोशल मीडियावर सुरु आहे.” चहापानापर्यंत ऑस्ट्रेलिया मजबूत स्थितीत चहापानापर्यंत ऑस्ट्रेलियाने तीन विकेट गमावून १७० धावा केल्या आहेत. उपाहारानंतरच्या दुसऱ्या सत्रात ऑस्ट्रेलियाने २८ षटकांत ९७ धावा केल्या आणि फक्त एक विकेट गमावली. या सत्रात फक्त लाबुशेन बाद झाला. स्टीव्ह स्मिथ आणि ट्रॅव्हिस हेड यांनी शानदार फलंदाजी करत एकही विकेट पडू दिली नाही. ट्रॅव्हिस हेडने ६० चेंडूत १४वे कसोटी अर्धशतक झळकावले. या दोघांनी चहापानापर्यंत चांगली फलंदाजी करत ९४ धावांची नाबाद भागीदारी केली. चहापानापर्यंत हेड ६० धावांवर तर स्मिथ ३३ धावांवर खेळत आहे. हीच वेळ होती जेव्हा टीम इंडियाला अश्विनची उणीव भासली. हेही वाचा: WTC Final IND vs AUS: भारत-ऑस्ट्रेलिया यांच्यातील WTC फायनल कोण जिंकणार? वसीम अक्रमने केले भाकित; म्हणाला, “संयम ठेवला तर…” वर्ल्ड टेस्ट चॅम्पियनशिपच्या दुसऱ्या सायकलच्या (२०२१-२३) अंतिम फेरीत भारताचा सामना ऑस्ट्रेलियाशी होणार आहे. दोन्ही संघ प्रथमच ही ट्रॉफी जिंकण्याच्या इराद्याने मैदानात उतरतील. भारतीय संघाला २०१३ नंतरची पहिली आयसीसी ट्रॉफी जिंकायची आहे.
