|| डॉ. सारिका सातव साहित्य आले- १ वाटी (किसून) साखर- ३ वाटी दूध- अर्धा कप ते पाऊण कप वेलची पावडर- अर्धा चमचा तूप- दोन चमचे खोबरे- अर्धा वाटी (किसून) कृती आले स्वच्छ धुऊन साल काढून किसून घ्यावे. किसलेले आले आण् दूध मिक्सरमध्ये जाडसर वाटून घ्यावे. कढईमध्ये एक चमचा तूप टाकून पातळ झाल्यावर आले आणि दुधाचे मिश्रण, साखर व खोबरे एकत्र करावे. मंद आचेवर ढवळत राहावे. घट्ट होत आल्यानंतर वेलचीपूड टाकावी. ताटाला तूप लावून तयार झालेला गोळा ताटात घेऊन थापावा त्यानंतर अर्धा ते एक इंचाच्या वडय़ा पाडून घ्याव्यात. थंड झाल्यावर हवाबंद डब्यात भरून ठेवावे. वैशिष्टय़े आबालवृद्धांसाठी उपयुक्त सतत सर्दी, खोकला, कफ असणाऱ्यांना तसेच न्युमोनिया, डांग्या खोकला, अॅलर्जी, सायनसचा त्रास असणाऱ्यांना उपयुक्त. घट्ट कफ असणाऱ्यांना विशेष उपयुक्त. थंडी व पावसाळय़ात नियमित वापरू शकता.
