डॉ. सारिका सातव साहित्य साल काढून किसलेले बीट १ वाटी, किसलेला ओला नारळ १ वाटी, साखर २ वाटय़ा, तूप दोन मोठे चमचे, वेलची पूड अर्धा चमचा, बदाम-पिस्ता-काजूचे लांब तुकडे किंवा पूड दोन मोठे चमचे. कृती * कढई मंद आचेवर तापवून त्यात दोन मोठे चमचे तूप टाकावे. * तूप पातळ झाल्यावर त्यात बीटाचा किस टाकून परतवून घ्यावा. * त्यात किसलेला नारळ टाकून पुन्हा परतवून घ्यावा. * साखर घालावी. * मिश्रण घट्ट झाल्यावर तूप लावलेल्या ताटामध्ये घेऊन पातळसर थापावे. * वडय़ा पाडून थंड होऊ द्यावे. * पूर्ण थंड झाल्यावर वडय़ा मोकळ्या कराव्यात वैशिष्टय़े * लहान मुले, कृश व्यक्ती, रक्ताची कमतरता असलेल्यांसाठी अतिशय उत्तम पदार्थ. * रंग आकर्षक असल्यामुळे लहान मुले आवडीने खातात. * यात क जीवनसत्त्व आणि प्रथिने मुबलक प्रमाणात असतात. * पदार्थ तीन-चार दिवस टिकतो. * याच्या सेवनामुळेत्वचेचा पोत सुधारतो.
