हे आसन अन्य आसन केल्यानंतर शरीराला आणि मनाला आराम मिळावा यासाठी अखेरीस केले जाते. या असनात मनुष्य हालचाल न करता शवासारखा पडून राहतो म्हणून त्यास शवासन म्हणतात. या आसनामुळे शारीरिक, मानसिक थकवा, ताण कमी होण्यास मदत होते. उच्च रक्तदाब, हृदयरोग, निद्रानाश यांवरही हे उपुयक्त आहे. कसे करावे? * जमिनीवर चटई टाकून पाठीवर झोपावे. * संपूर्ण शरीर सैल सोडा आणि डोळे बंद करा. * हाताचे तळवे आकाशाच्या दिशेने जमिनीवर ठेवावेत. * हळूहळू श्वासावर लक्ष केंद्रित करा. मात्र तुम्ही झोपणार नाहीत याची काळजी घ्या. * पाच ते दहा मिनिटे या स्थितीत राहा.