पोट हे मानवी शरीरातील महत्त्वाचा अवयव. माणसाचे आरोग्य पोटावर अवलंबून असते, पोट बिघडले की त्याचा परिणाम एकूण आरोग्यावर होऊ शकतो. त्यामुळे पोटाचे स्नायू मजबूत असणे आवश्यक आहे. आज जो व्यायाम प्रकार आहे, त्याचे नाव आहे ‘सुपाइन पेल्विक टिल्ट्स.’ या व्यायामामुळे पोटाचे स्नायू मजबूत होतात. कसे कराल? * पाठीवर झोपा. पाय गुडघ्यात वाकवून लघुकोनात ठेवा. हात शरीराच्या दोन्ही बाजूला पसरवा. (तुमच्या शरीराचा आकार ‘ळ’ सारखा असेल.) * पाठ संपूर्णपणे जमिनीला टेकलेली असावी. आता पाठीवर थोडा दाब देऊन पाठ वर उचला. * पाठीचा वरील भाग आणि नितंब वर उचलू नका. केवळ पाटीचा मधला भाग वर उचलण्याचा प्रयत्न करा. * पाठीचा भाग वर उचलल्यानंतर तो खाली घ्या आणि पुन्हा वर घ्या. असे १० ते १५ वेळा करा.
