डॉ. सारिका सातव साहित्य : १ मोठे डाळिंब, अर्धे बीट, १०० मिली. कुठलाही फ्लेवर नसलेले सोया दूध, १ चमचा सब्जा. कृती : * डाळिंब सोलून त्याचे दाणे एका मोठय़ा भांडय़ात काढून घ्यावेत. * बीट साल काढून स्वच्छ करावे. त्याचे बारीक तुकडे करावेत. * डाळिंब, बीट, सब्जा, सोया दूध मिक्समध्ये फिरवून एकसंध करावी. * घट्ट स्मुदी तयार होते. वैशिष्टय़े : * यात प्रथिने, पोटॅशियम, ‘ब-६’ जीवनसत्त्व, ‘क’ जीवनसत्त्व, तंतुमय पदार्थ, ‘अ’ जीवनसत्त्व भरपूर प्रमाणात असतात. * चव अतिशय उत्तम असते. * वजन कमी करण्यासाठी जेवणाऐवजी ही स्मुदी खावी. * केस, त्वचेच्या आरोग्यासाठी उत्तम. * मलबद्धता, पित्ताचे विकार, त्वचा काळवंडणे, पोट फुगल्यासारखे वाटणे इत्यादी तक्रारींसाठी अतिशय उपयुक्त.
