भस्रिका प्राणायामात श्वास नाकावाटे आत घेऊन जलद गतीने बाहेर सोडला जातो. या प्रकारामुळे शरीरातील ऊर्जेची पातळी वाढण्यास मदत होते. नाक, घसा, सायनसमधील अडथळे दूर होतात. अपचन, गॅस यांसह विविध पोटविकारांसाठी हा प्राणायाम महत्त्वाचा आहे. कसे करावे? * प्रथम पद्मासनात बसा. मान व शरीर ताठ ठेवून तोंड बंद करावे. * जलदगतीने श्वास आत-बाहेर करावा. * असे करताना नाकातून भुसभुस असा आवाज येतो. * श्वास आत-बाहेर करताना त्याला योग्य गती द्या. * आधी १० वेळा करून पाहावे आणि हळूहळू प्रमाण वाढवावे. * श्वसन आत-बाहेर करून झाल्यावर थोडा वेळ शांत बसा आणि ध्यानस्थ व्हा.