|| डॉ. वृषाली सूरवाडे-सावंत अंघोळीनंतर लगेच मॉइश्चरायझरचा वापर करा. प्रभाव अधिक काळ राहतो. सुंगधमुक्त मॉइश्चराइझर वापरा. व्हाइट सॉफ्ट पॅराफिन आणि शीया बटर असलेले मॉइश्चरायझर वापरा. हिवाळ्यात हवा कोरडी असल्याने स्वेटर, हातमोजे, पायमोजे यांचा वापर करावा. हिवाळ्यात कठोर क्लीजनर, फेसवॉश, नीम साबण वापरण टाळा. त्यामुळे त्वचा लाल होऊ शकते. मेकअप करताना टाल्कम पावडर वापरू नका. त्याऐवजी तेल असलेल्या सौंदर्यप्रसाधनांचा वापर करा. क जीवनसत्त्व आणि ई जीवनसत्त्व असलेले सीरम वापरा. अंघोळ करण्यासाठी खूपच गरम किंवा अत्यंत थंड पाणी वापरणे टाळा. सोरियासिस, एटोपिक डार्माटायटिस, एक्झामा यांसारखे विकार हिवाळ्यात होतात. त्यामुळे योग्य वेळी त्वचाविकारतज्ज्ञांचा सल्ला घ्या.
