या आसनामध्ये शरीराचा आकार इंग्रजी ‘५’ प्रमाणे होतो. हा आकार एखाद्या नौकेप्रमाणे वाटत असल्याने त्याला नौकासन असे म्हणतात. पोटाची अतिरिक्त चरबी कमी करण्यासाठी हे आसन खूपच उपयुक्त आहे. या आसनामुळे पाचनशक्ती सुधारते. हे आसन थोडेसे अवघड आहे, मात्र नियमित सराव केल्यास ते जमू शकते. कसे करावे? पाठीवर सरळ रेषेत झोपा. शरीराला हलके सोडून श्वासावर लक्ष असू द्या. आता श्वास घेत आपले पाय आणि कंबरेवरील भाग वर उचला. शरीराचा सर्व भार कंबरेवर आणि पाठीवर येईल. हाताचाही आधार घेऊ नका. हात कंबरेच्या वर हवेत असू द्या. हळूहळू श्वास घ्या आणि सोडा. या अवस्थेत काही वेळ राहा. शरीर खाली घेताना लांब श्वास घ्या आणि शरीर हळूहळू खाली आणा. सुरुवातीला तीन ते चार वेळा करा. सरावानंतर संख्या वाढवा.
