- डॉ. सारिका सातव साहित्य ४ वाटय़ा खरबूज (बारीक तुकडे करून), १ ग्लास नारळपाणी, पाव कप पुदिन्याची पाने, २ मोठे चमचे लिंबाचा रस, अर्धा चमचा सैंधव, एक मोठी काकडी (साल काढून बारीक तुकडे करून), एक-दोन वाटय़ा बर्फ. कृती : * सर्व मिश्रण मिक्सरमध्ये एकजीव करावे आणि ग्लासमध्ये ओतावे. * आवडीनुसार बर्फ आणि इतर साहित्य कमी-जास्त करू शकता. * काकडीच्या तुकडय़ांनी सजवावे. वैशिष्टय़े : * उन्हाळ्यात सेवन करणे उत्तम. * सर्व घटक कच्चे वापरल्यामुळे शिजवण्याच्या प्रक्रियेतील जीवनसत्त्वांचा ऱ्हास टळतो आणि जास्तीत जास्त जीवनसत्त्वे मिळतात. * ‘ब’ आणि ‘क’ जीवनसत्त्वे, क्षार मुबलक प्रमाणात मिळतात. * उन्हाळ्यात शरीरात निर्माण होणारी पाण्याची कमतरता भरून निघते.
