टेस्टी टिफिन : शुभा प्रभू साटम साहित्य १ वाटी कणिक अथवा मैदा अर्धी वाटी गूळ पिकलेले केळ उकडलेला भोपळा स्वादासाठी वेलची जायफळ पूड खायचा सोडा तळण्यासाठी तेल. कृती गुलगुले हा भारतात विविध ठिकाणी होणारा एक सोप्पा गोड पदार्थ आहे. काही ठिकाणी पिठामध्ये गूळ घालून तो करतात तर काही ठिकाणी पाक करून केले जातात. आपण सोप्पा प्रकार पाहू. सगळ्यात आधी पाण्यात गूळ विरघळवून घ्यावा. त्यानंतर त्यात कणिक किंवा मैदा जे वापरणार असाल ते थोडं थोडं करत मिसळून घ्या. साधारण दह्य़ासारखे मिश्रण तयार करून घ्यावे. त्यात केळे, भोपळा हे कुस्करून घालावे. किंचित सोडा घालावा. वेलची, जायफळ पूड घालून थोडावेळ झाकून ठेवावे. तेल गरम करायला ठेवावे. चांगले कडकडीत गरम झाल्यावर त्यात हे मिश्रण चमच्या चमच्याने सोडून गुलगुले तळावेत. मंद आचेवर खरपूस तळलेले गुलगुले खायला एकदम झक्कास लागतात.