|| रचना पाटील साहित्य २ कप आंबट ताक, पाव वाटी नाचणीचे पीठ, ३-४ लसूण पाकळ्या, १ इंच आल्याचा तुकडा, ३-४ हिरव्या मिरच्या, अर्धा चमचा मोहरी, पाव चमचा जिरे, पाव चमचा हिंग, अर्धा चमचा हळद, ३-४ कढीपत्ता पाने, २ चमचा तेल, चवीनुसार मीठ, कोथिंबीर कृती कढईमध्ये २ चमचे तेल गरम करा. तेलात मोहरी, जिरे, हिंग, हळद, कढीपत्ता, मिरच्यांचे तुकडे घाला. लसूण, आलं ठेचून घाला. सर्व व्यवस्थित परतले की ताक घाला. ताकाला उकळी येईस्तोवर ढवळत राहा ज्यामुळे ताक फुटणार नाही. ताकाला उकळी आली की त्यात चवीपुरते मीठ घाला. नाचणीचे पीठ वरून भुरभुरा. गुठळ्या होणार नाहीत याची काळजी घ्या. वाफ काढा व गरम असतानाच तेलाने उकड छान मळून घ्या आणि मग खायला द्या.
