03 March 2021

News Flash

त्रिकोणासन

या आसनामध्ये शरीराचा आकार त्रिकोणी होतो, म्हणून त्यास त्रिकोणासन म्हणतात.

या आसनामध्ये शरीराचा आकार त्रिकोणी होतो, म्हणून त्यास त्रिकोणासन म्हणतात. कंबरेचे दुखणे असणाऱ्यांसाठी आणि पोटावरील अतिरिक्त चरबी कमी करण्यासाठी हे आसन महत्त्वाचे आहे. या आसनामुळे कंबरेचे स्नायू लवचीक व मजबूत बनतात. या आसनामुळे पचनक्रियाही सुधारते. लठ्ठपणा कमी करण्यासाठी आणि शरीर सुडौल करण्यासाठी हे आसन उपयुक्त आहे.

कसे करावे?

  • सरळ उभे राहा. दोन्ही पायांमध्ये तीन ते चार फूट अंतर ठेवा.
  • उजवे पाऊल ९० अंशामध्ये आणि डावे पाऊल १५ अंशामध्ये उजवीकडे फिरवा.
  • दोन्ही पावलांची पकड जमिनीवर घट्ट आहे याची खात्री करून घ्या.
  • एक दीर्घ श्वास आत घेऊन श्वास सोडत उजवीकडे झुकताना दोन्ही हात सरळ एका रेषेत ठेवा आणि उजवा हात जमिनीकडे आणि डावा हात हवेत सरळ येऊ द्या.
  • असे करताना कंबर वाकली नाही पाहिजे. शक्य होईल असा उजवा हात उजव्या पायाच्या नडगीवर, घोटय़ावर किंवा जमिनीवर पायाजवळ टेकवा.
  • श्वासाची गती सामान्य ठेवून जेवढा वेळ शक्य असेल, तेवढा वेळ या स्थितीत थांबून राहायचे आहे. नंतर श्वास घेत हळूहळू पूर्वस्थितीत या. त्यानंतर हेच आसन दुसऱ्या बाजूने करा.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 29, 2019 12:45 am

Web Title: trikonasana yoga pose
Next Stories
1 व्हेज सँडविच
2 चेहऱ्यावरील वांग
3 पारंपरिक प्रतिमेला छेद
Just Now!
X