मंडुक म्हणजे बेडूक. हे आसन करताना शरीराचा आकार बेडकासारखा दिसतो. त्यामुळे या आसनाला मंडुकासन म्हणतात. या आसनाचा मुख्य फायदा म्हणजे पोटावरील अतिरिक्त चरबी कमी होते. पोटाचे स्नायू मजबूत करण्यासाठीही या आसनाचा उपयोग होतो. शरीरात जमा झालेला गॅस या आसनामुळे बाहेर पडण्यास मदत होते. कृती सर्वप्रथम वज्रासनात बसा. दोन्ही हातांच्या मुठी घट्टा करा. हे करताना अंगठा हाताच्या मुठीत दाबून ठेवा. आता हातांच्या मुठी पोटावर ठेवा आणि श्वास सोडत राहा. आता डोके जमिनीवर टेकवण्याचा प्रयत्न करा. थोडा वेळ या स्थितीत राहा. त्यानंतर पुन्हा वज्रासनात या.