सुंदर माझं घर : मंडल, कोस्टर

पूर्वी प्रसाद, नैवेद्य ठेवण्यापूर्वी त्याखाली मंडल मांडले जात असे.

(संग्रहित छायाचित्र)

श्रावण-भाद्रपद म्हणजे पूजा-अर्चा, व्रत-वैकल्यांचे महिने. पूर्वी हे सारं यथासांग करणं शक्य होतं, मात्र आता घरातील सर्वचजण नोकरी, व्यवसाय, अभ्यासात इतके गुंतलेले असतात की प्रत्येक लांबलचक कामासाठी एखादा झटपट पर्याय शोधला जातो. पूर्वी प्रसाद, नैवेद्य ठेवण्यापूर्वी त्याखाली मंडल मांडले जात असे. आता मंडल मांडून ठेवणे शक्य नसते. त्यामुळे पूजा, व्रतांत मंडल म्हणून वापरता येईल आणि व्रतवैकल्यांचा काळ संपला की टी कोस्टर म्हणून उपयुक्त ठरेल, अशी एक सोपी कलाकृती शिकू या.

साहित्य

आइसक्रीमच्या काडय़ा, टिकल्या, बटणे (सुशोभानाचे) रंग कामाचे साहित्य, पोस्टर कलर, गम इत्यादी.

कृती

*   आइसक्रीमच्या काडय़ा रंगाने रंगवून घ्या. रंगीत काडय़ासुद्धा दुकानात उपलब्ध असतात.

*   दोन विरुद्ध रंगांचे जोड आकर्षक पद्धतीने एकमेकांवर चौकोनात चिकटवून घ्या.

*   मधील बाजूस एका आड एक पट्टी चिकटवा.

*   थोडय़ा थोडय़ा अंतरावर बटणे, टिकल्या चिकटवल्यास अधिक आकर्षक दिसेल. बाहेरील बाजूवर अलगद चिकटवा व वाळू द्या.

*   अशा प्रकारे तयार केलेले मंडल पूजेसाठी वापरता येईल.

*   ४ किंवा ६ चा सेट तयार करून टेबलवर टी कोस्टर म्हणून वापरू शकता.

*   परिचितांना भेट म्हणून सुद्धा देता येईल.

*   करून बघा झटपट मांडणी कोस्टर.

apac64kala@gmail.com

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व कुटुंबकट्टा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Article about t coaster art work

ताज्या बातम्या