पर्यावरण वाचविण्यासाठी प्लास्टिकवर बंदी घालण्यात आल्यामुळे आता कागदी पिशव्या आणि पुठ्ठय़ाच्या खोक्यांचा वापर वाढला आहे. या खोक्यांचा पुनर्वापर करता येऊ शकतो. कसा ते आज पाहू या. साहित्य : उभा खोका, अ‍ॅक्रेलिक रंग, रंगकामाचे साहित्य, कात्री, ग्लिटर, गम, पेन्सिल, पट्टी इत्यादी. कृती * कागदी खोक्यावरील वेष्टन काढून टाकावे. किंवा खोका पूर्ण उघडून आतील बाजू बाहेर आणावी. * पुठ्ठा जिथे दुमडलेला आहे, अशा ठिकाणी शंकरपाळ्यांच्या आकृती काढा. * मागील बाजूस एका सरळ रेषेत दोन्ही शंकरपाळ्यांच्या आत आडव्या पट्टय़ा पेन्सिलने आखून घ्या. * सर्व पट्टय़ा शंकरपाळ्यांच्या आकारात कापा व आतील बाजूस ढकला. * खोक्यावर चित्र काढा व गडद रंगांत रंगवा, बाहेरील समासाची पट्टी चिकटवून खोका पूर्ववत करा. * वरील बाजू बंद करा. * खालील बाजू उघडून बल्बवर ठेवा. * लॅम्पेशडच्या कापलेल्या भागातून सुंदर प्रकाशकिरणे परावर्तीत होऊन भिंतीवर नक्षी तयार होईल. * खोक्याचा पुनर्वापर तर होईल, कचरा कमी होईल आणि त्यातूनच घरच्या घरी उपयुक्त आणि शोभिवंत वस्तू तयार होईल. apac64kala@gmail.com
