11 August 2020

News Flash

खोबरेल तेलाचे फायदे, ‘या’ १० टिप्स तुमचे सौंदर्य खुलवण्यास मदत करतील

खोबरेल तेलाचा वापर नक्की करू शकता

(छाया सौजन्य : Thinkstock Images)

समुद्रकिनाऱ्यावरील भागात खोबरेल तेलाचा सर्रास वापर केला जातो. अगदी जेवण तयार करण्यापासून ते औषधांपर्यंत खोबरेल तेलाचा वापर होतो. यासोबत पुढे दिलेल्या टिप्स वाचून सौंदर्य खुलवण्यासाठी देखील तुम्ही खोबरेल तेलाचा वापर नक्की करू शकता. आकृती कोचर, स्वाती कपूर, रागिणी मेहरा या ब्युटी आणि मेकअप एक्सपर्टनीं ‘द इंडियन एक्सप्रेस’ला दिलेल्या मुलाखतीत खोबरेल तेलाचा वापर सौंदर्य खुलवण्यासाठी कसा करता येईल, याबद्दल काही उपयोगी टिप्स दिल्या आहेत.

मेकअप रिमूव्हर – कदाचित अनेक महिलांना माहिती नसेल पण खोबरेल तेल हे उत्तम मेकअप रिमूव्हर म्हणून काम करते. मेकअप काढण्यासाठी आपण बऱ्याचदा बाजारात मिळणारे वेगवेगळे रसायनयुक्त रिमूव्हर विकत घेतो. पण त्याऐवजी खोबरेल तेलाने मेकअप काढला तर त्वचेला कोणत्याही प्रकारची हानी पोहोचत नाही.
– खोबरेल तेलाने जखमेवरील दाह कमी होतो. जर तुम्हाला चटका लागला तर भाजलेल्या ठिकाणी खोबरेल तेल लावावे. होणारा दाह लवकर कमी होतो.
– खोबरेल तेल कोणत्याही प्रकाराच्या त्वचेसाठी चांगले असते. हात, पाय आणि चेहऱ्यावर नियमितपणे खोबरेल तेलाने मसाज केल्यास त्वचा मुलायम होते.
– डोळ्याखाली खोबरेल तेलाने दररोज मसाज केल्यास डोळ्याखाली सुरकुत्या पडत नाही. डोळ्याखाली असलेली काळी वर्तुळेही निघून जातात.
– चेहऱ्यावर पुरळ येत असलीत तर खोबरेल तेलाचा वापर तुम्ही करु शकता. खोबरेल तेलाच्या नियमित वापराने चेहऱ्यावरचे पुरळ कमी होण्यास मदत होते.

– खोबरेल तेलाने चेहरा उजळण्यास मदत होते. यासाठी खोबरेल तेल आणि मध समप्रमाणात घेऊन त्याचे फेसपॅक तयार करावे. हे फेसपॅक चेहऱ्याला लावावे. नैसर्गिक फेसपॅकमुळे चेहरा उजळतो.
– जर अंगावर लाल चट्टे किंवा खाज येत असेल तर खोबरेल तेलाच्या वापरामुळे आराम मिळतो.
– खोबरेल तेल मिश्रित गरम पाण्याने अंघोळ केल्यास स्कीन टोन सुधारतो.
– खोबरेल तेलात कोअर्स शुगर (coarse sugar, या साखरेचे दाणे आकाराने थोडे मोठे असतात) मिसळून हे मिश्रण चेहऱ्यावर लावावे. हे मिश्रण नैसर्गिक स्क्रबर म्हणून काम करते. ज्यामुळे चेहऱ्यावरची मृत त्वचा निघून जाण्यास मदत होते.
– सतत आपण केसांवर केमिकलयुक्त शॅम्पू, कंडिशनरचा मारा करत असतो. यामुळे केसांचे आरोग्य बिघडते. केसगळतीचे प्रमाण वाढते. तुम्ही देखील अशा समस्येचा सामना करत असाल तर आठवड्यातून एकदा खोबरेल तेलाने केसांना मसाज करावा. यामुळे केसगळतीचे प्रमाण कमी होते आणि कोंड्याची समस्या देखील दूर होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 7, 2017 12:27 pm

Web Title: 10 beauty benefits of coconut oil
Next Stories
1 पाठदुखी आणि नेत्रविकार आहेत? हे आसन करुन पाहा
2 लिनोव्होचा K8 प्लस बाजारात दाखल
3 हठयोग व ध्यानधारणेमुळे मेंदूच्या क्षमतेत वाढ
Just Now!
X