BMW ने भारतीय बाजारात नवीन 3 Series कार लाँच केली आहे. ही कार म्हणजे सातवी जनरेशन BMW 3 Series आहे. ही नवी कार पेट्रोल आणि डिझेल, अशा दोन्ही प्रकारात भारतीय बाजारात उतरवण्यात आली आहे. ही कार 320d Sport, 320d Luxury Line, 330i M Sport अशा तीन व्हेरिअंटमध्ये उपलब्ध आहे. यातील पहिले दोन व्हेरिअंटमध्ये डिझेल इंजिन आणि तिसरी पेट्रोल इंजिन प्रकारातील कार आहे. 41.40 लाखांपासून या कारची किंमत सुरू होते. ही एक्स-शोरुम किंमत आहे. नवी बीएमडब्ल्यू 3 सीरिज कारची क्लस्टर आर्किटेक्चर प्लॅटफॉर्मवर निर्मिती करण्यात आली आहे. कारच्या पुढील बाजूला L-आकारातील एलईडी डीआरएल, एलईडी हेडलॅम्प, एलईडी फॉग लॅम्प आहे. पुढील बंपरच्या डिझाइनमध्येही बदल करण्यात आलेत. मागील बाजूलाही L- आकारातील टेललाइट्स आणि नव्या डिझाइनसह बंपर आहे. ही कार चार रंगांच्या पर्यायामध्ये उपलब्ध आहे. नवीन 3 - सीरिजच्या कॅबिनलाही अपडेट करण्यात आलं असून यामध्ये तुम्हाला 8.8-इंच टचस्क्रीन इंफोटेनमेंट सिस्टिम, 3-स्पोक मल्टी-फंक्शन स्टिअरिंग व्हिल आणि 12.3-इंच डिजिटल इंस्ट्रुमेंट क्लस्टर मिळेल. नव्या कारमध्ये क्लायमेट कंट्रोल सिस्टिम, वायरलेस मोबाइल चार्जिंग, ऑटोमॅटिक हेडलाइट्स, रेन सेंसिंग वायपर्स, इलेक्ट्रिक सनरूफ आणि रिअर व्ह्यू कॅमेऱ्यासह पार्किंग असिस्टंट यांसारखे अनेक फीचर्स आहेत. इंजिन - बीएमडब्ल्यूच्या या कारमध्ये 2.0-लिटर, टर्बोचार्ज्ड पेट्रोल आणि डिझेल इंजिन आहे. पेट्रोल इंजिन 258hp ऊर्जा आणि 400Nm टॉर्क निर्माण करतं. तर, डिझेल इंजिन 190hp ची ऊर्जा आणि 400Nm टॉर्क निर्माण करतं. दोन्ही इंजिनमध्ये 8-स्पीड टॉर्क-कन्व्हर्टर ऑटोमॅटिक गिअरबॉक्स आहे. ही कार ऑडी ए4 आणि जग्वार एक्सई यांसारख्या कारसोबत स्पर्धा असणार आहे.
