टेलीकॉम कंपन्यांकडून ग्राहकांना आकर्षित करण्यासाठी नवनवीन ऑफर आणत असतात. अनेकदा फ्री डेटा आणि कॉलिंगची ऑफरही टेलिकॉम कंपन्यांकडून ग्राहकांना दिली जाते. एअरटेलनेही आपल्या ग्राहकांसाठी एक नवीन ऑफर आणली आहे. या ऑफरनुसार ग्राहकांना 5 जीबीपर्यंत फ्री डेटा मिळतोय. सविस्तर जाणून घेऊया या ऑफरबाबत :- एअरटेलची ही ऑफर New 4G SIM or 4G Upgrade Free Data Coupons या नावाने बाजारात आलीये. याअंतर्गत कंपनी आपल्या ग्राहकांना फ्रीमध्ये 5 जीबी डेटा देत आहे. हा डेटा एक-एक जीबीच्या पाच कुपनद्वारे मिळेल. यातील पहिला एक जीबी डेटा Airtel Thanks अ‍ॅप डाउनलोड केल्यानंतर मिळेल. मात्र ही ऑफर पहिल्यांदा एअरटेल थँक्स अ‍ॅप डाउनलोड करणाऱ्यांसाठीच आहे. याशिवाय एअरटेलचं नवं सिम कार्ड घेणाऱ्यांना किंवा जुनं 3जी सिम कार्ड 4जीमध्ये अपग्रेड करणाऱ्यांनाच या ऑफरचा लाभ मिळेल. ऑफरचा फायदा घेण्यासाठी ग्राहकांनी पहिल्यांदा एअरटेल थँक्स अ‍ॅप डाउनलोड करुन मोबाइल नंबरद्वारे रजिस्ट्रेशन करावं. सिम घेतल्यानंतर ३० दिवसांमध्येच रजिस्ट्रेशन करणं गरजेचं आहे. रजिस्ट्रेशन केल्यानंतर तुमच्या अकाउंटमध्ये एक-एक जीबीचे पाच कुपन 72 तासांमध्ये मिळतील.
