26 October 2020

News Flash

Airtel ची खास ब्रॉडबँड सेवा, ‘या’ २५ शहरांमध्ये प्री-बुकिंगला सुरूवात

प्री-बुकिंग करणाऱ्यांना फ्री राउटरसह फ्री इंस्टॉलेशनचा फायदा...

( Image Source: Airtel)

Airtel ने आपली ‘Xstream Fiber ब्रॉडबँड’ या सेवेसाठी देशातील 25 शहरांमध्ये प्री-बुकिंगला सुरूवात केली आहे. कंपनी यातील काही शहरांमध्ये 30 एप्रिल ते 1 मे यादरम्यान ही सेवा सुरू करणार होती, पण करोनाच्या संकटामुळे यामध्ये उशीर झाला. यानंतर ही सेवा जून महिन्याच्या सुरूवातीलाच सुरू करायचा एअरटेलचा विचार होता. पण, लॉकडाउन वाढल्यानंतर कंपनीला या योजनेतही बदल करावा लागला.

‘launching soon’ टॅगसह शहरांची नावं :-
एअरटेलने आपल्या वेबसाइटवरुन जून महिन्याच्या सुरूवातीलाच ‘काउंटडाउन टाइमर’ हटवला होता. आता कंपनीने एअरटेल एक्सट्रीम फायबरच्या वेबसाइटवर ‘launching soon’ टॅगसोबत ज्या शहरांमध्ये ही सेवा सुरू होणार आहे त्यांची नावं दिली आहेत. त्यानुसार, कोल्हापूर, अजमेर, अलिगढ, भिलवाडा, बीकानेर, बूंदी, धर्मशाला, गाजीपूर, गोरखपूर, होसुर, जगधारी, झांसी, जोधपूर, काकिनाडा, कोटा, मथूरा आणि मिर्जापूर, मुजफ्फरनगर, रोहतक, शाहजहांपूर, शिमला, थंजावूर, तिरुपती, उदयपूर आणि यमुनानगर या शहरांचा समावेश आहे.

फ्री राउटर आणि इंस्टॉलेशन :-
या २५ शहरांमध्ये जे ग्राहक एअरटेल एक्सट्रीम फायबर ब्रॉडबँड कनेक्शनसाठी प्री-बुकिंग करतील त्यांना फ्री राउटर आणि फ्री इंस्टॉलेशनचा फायदा मिळेल असं कंपनीकडून सांगण्यात आलं आहे. या 25 शहरांमध्ये एअरटेलने बेसिक, एंटरटेनमेंट, प्रीमियम आणि व्हीआयपी असे चार प्लॅन ठेवले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 19, 2020 1:40 pm

Web Title: airtel xstream fiber broadband pre booking now open in 25 cities sas 89
Next Stories
1 महाग झाले ‘रेडमी’चे दोन स्मार्टफोन, कंपनीने वाढवली किंमत
2 चिनी वस्तूंबाबत ई-कॉमर्स कंपन्यांकडे परेश रावल यांनी केली ‘ही’ मागणी, सोशल मीडियावर होतंय कौतुक
3 अनेक आजारांवर बहुगुणी अडुळसा आहे उपयुक्त; पाहा फायदे
Just Now!
X