08 August 2020

News Flash

‘अ‍ॅपल’ने Samsung ला दिली तब्बल ₹7100 कोटींची भरपाई, ‘हे’ आहे कारण

स्मार्टफोन मार्केटमध्ये अ‍ॅपल आणि सॅमसंग एकमेकांचे स्पर्धक आहेत. पण खूप कमी जणांना माहिती असेल की...

स्मार्टफोन मार्केटमध्ये अ‍ॅपल आणि सॅमसंग एकमेकांचे स्पर्धक आहेत. पण खूप कमी जणांना याबाबत माहिती असेल की, अ‍ॅपल आपल्या आयफोन स्मार्टफोन्ससाठी सॅमसंगकडून डिस्प्ले खरेदी करते. पण आता कमी डिस्प्ले खरेदी केल्यामुळे अ‍ॅपलला फटका बसला आहे. ‘डिस्प्ले सप्लाय चेन कन्सल्टंट’च्या (DSCC) रिपोर्टनुसार, यासाठी भरपाई म्हणून अ‍ॅपलने सॅमसंगला जवळपास 950 दशलक्ष डॉलर (जवळपास 7156 कोटी रुपये) दिले आहेत.

सॅमसंग कंपनी अ‍ॅपलला OLED डिस्प्लेचा पुरवठा करते. अ‍ॅपलकडून मिळालेल्या या दंडात्मक भरपाईमुळे सॅमसंगला इतका फायदा झालाय की कंपनीच्या डिस्प्ले बिजनेसचा दुसऱ्या तिमाहीचा रिव्हेन्यू वाढला आहे. पण, अ‍ॅपलने सॅमसंगकडे भरपाई देण्याची ही पहिलीच वेळ नाहीये. गेल्या वर्षीही कमी डिस्प्ले खरेदी केल्यामुळे कंपनीने सॅमसंगला 684 दशलक्ष डॉलर दिले होते. यावर्षी करोनामुळे विक्रीत घट झाल्याने अ‍ॅपलच्या आय़फोनची विक्रीही कमी झाली आहे. दरवर्षी एका ठरवीक संख्येत डिस्प्ले खरेदी करण्याचा दोन्ही कंपन्यांमध्ये करार आहे. पण कमी डिस्प्ले पॅनल खरेदी केल्यास अ‍ॅपलला भरपाई द्यावी लागते.

काही रिपोर्ट्समध्ये अ‍ॅपल कंपनी आता सॅमसंगऐवजी दुसरा पुरवठादार शोधत असल्याचंही म्हटलं आहे. चीनच्या BOE टेक्नॉलॉजी ग्रुपसोबत अ‍ॅपलची चर्चा सुरू असल्याचं काही रिपोर्ट्समध्ये म्हटलं आहे. पण याबाबत अद्याप अधिकृत कोणतीही माहिती मिळालेली नाही.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 15, 2020 11:31 am

Web Title: apple paid samsung almost 1 billion penalty for oled display sas 89
Next Stories
1 Redmi Note 9 Pro Max चा ‘फ्लॅश सेल’, मिळतील शानदार ऑफर्स
2 विद्यार्थ्यांसाठी अभ्यासाच्या विविध पद्धती
3 रिअलमीने भारतात आणला नवीन ‘स्वस्त’ स्मार्टफोन, Realme C11 झाला लाँच
Just Now!
X