20 September 2018

News Flash

रक्तदाबाचे निरीक्षण करणारे अ‍ॅप विकसित

भारतीय वंशाच्या संशोधकांनी रक्तदाबाचे निरीक्षण करणारे मोबाइल अ‍ॅप विकसित केले आहे.

प्रतिनिधिक छायाचित्र

भारतीय वंशाच्या संशोधकांनी रक्तदाबाचे निरीक्षण करणारे मोबाइल अ‍ॅप विकसित केले आहे. त्यामुळे वेळोवेळी रक्तदाबाची माहिती सहजपणे उपलब्ध होऊ शकेल.

HOT DEALS
  • Sony Xperia XA Dual 16 GB (White)
    ₹ 15940 MRP ₹ 18990 -16%
    ₹1594 Cashback
  • Honor 8 32GB Pearl White
    ₹ 14210 MRP ₹ 30000 -53%
    ₹1500 Cashback

अमेरिकेतील मिशिगन विद्यापीठातील संशोधकांनी हे अ‍ॅप अधिक सोईस्कर असल्याचे सांगितले आहे. आम्ही वेगवेगळ्या धमण्यांवर लक्ष केंद्रित केले. आतील बाजूस वळणाऱ्या धमण्यांचीही अचूक माहिती या अ‍ॅपमुळे मिळू शकेल, असे संशोधक आनंद चंद्रशेखर यांनी सांगितले.

बोटावरून रक्तदाबाची सहजपणे माहिती मिळविता येणार असल्यामुळे हे अ‍ॅप सादर करताना आम्हाला खूप आनंद होत आहे, असे चंद्रशेखर यावेळी म्हणाले. हे संशोधन ‘सायन्स ट्रान्सलेशन मेडिसीन’ या मासिकात प्रसिद्ध झाले आहे.

या अ‍ॅपमध्ये दोन संवेदक वापरण्यात आले आहेत. त्यामुळे रक्तदाबाची अचुकता मोजणे सहज शक्य झाले आहे. अ‍ॅप सुरू केल्यानंतर संवेदकावर बोट ठेवल्यास हृदयाची प्रक्रिया सुरुळीतपणे सुरू आहे की नाही, हे स्पष्ट होणार आहे, असे प्राध्यापक रामकृष्णा मुक्कमल यांनी स्पष्ट केले. आम्ही केलेल्या संशोधनानुसार ९० टक्के लोक या अ‍ॅपचा अगदी सहजपणे वापर करू शकतील, असे मुक्कमल म्हणाले.

उच्च रक्तदाब आणि उपचारांची आवश्यकता असल्यास तशा प्रकारची सूचना अ‍ॅपमध्ये मिळणार आहे.

First Published on March 12, 2018 3:30 am

Web Title: blood pressure monitoring app develops