खासगी टेलिकॉम कंपन्यांना टक्कर देण्यासाठी भारत संचार निगम लिमिटेड (BSNL)ने एक नवा शानदार रिचार्ज प्लॅन आणला आहे. 399 रुपयांचा हा जुनाच रिचार्ज प्लॅन आहे पण यामध्ये कंपनीने काही बदल केलेत. आता या प्लॅनमध्ये ग्राहकांना दररोज 3.21GB डेटा मिळेल. तसंच 74 दिवसांची वैधता या प्लॅनची असेल. यापूर्वी 399 रुपयांच्या रिचार्ज प्लॅनमध्ये ग्राहकांना दररोज 1GB डेटा मिळत होता. पण आता दररोज 3.21 जीबी डेटा वापरता येईल. म्हणजेच एकूण 237.54 जीबी डेटा ग्राहकांना मिळेल, आधी केवळ 74 जीबी डेटा वापरण्यास मिळत होता. या प्लॅनमध्ये डेटा व्यतिरिक्त अमर्यादित व्हॉइस कॉलिंगची सेवाही मिळेल. तसंच ग्राहक दररोज 100 एसएमएस मोफत पाठवू शकतात. काही दिवसांपूर्वीच बीएसएनएलने 365 दिवस वैधता असलेला 1,312 रुपयांचा रिचार्ज प्लॅन लाँच केला आहे. वर्षभरासाठी वैधता असलेल्या या प्लॅनमध्ये ग्राहकांना 5 जीबी डेटा मिळतो.
